Allen den gheende die desen brieff zellen zien
off horen lesen doen wij verstaen Egbert Henricxz
Wtenham schout Jan Jansz ende Cornelis
die Keijser schepenen inden gerechte van Goij
ende houten dat voor ons Quam int gerechte
Eernst Cornelisz ende belijde ende bekende
aldair uit zijnen vrijen moet wille voor hem
zijnen erffgenamen ende nacomelinghen in eenen
ewijgen erffpacht ontfangen te hebben van den
weerdighen heeren vicedoemdeken ende capittel
then doem t Utrecht vier mergen lants ge-
legen inden gerechte voorscreven soe die hier nae bescreven ende bepaelt staen ende geloeffden
die te besetten ende te gebruijcken op alsulcke
voorwairden verbanden ende peenen als der voorsz[egde]
heeren brieff zulcx inhoudende ende vermeldende
is sprekende van woerde te woerde aldus wij
vicedoemdeken ende capittel der kercken ten
doem t Utrecht doen kendt allen luijden dat wij
bij dode ende overlijden van Cornelis Willem Ernstensz
in eenen ewighen erffpacht gegunt ende gegeven
hebben gunnen ende geven mits desen Eernst Cor
nelisz, Cornelis Willemsz voorsz[egde] outste zoon
vierdenhalve mergen lants ende negen roeden
mit allen haren toebehoren als de die gelegen zijn
in t Goij ende Houthen dair dat cloester van sinte
Servaes t Utrecht boven ende meester Willem
van Lochorst canonick sinte Marien t Utrecht
beneden naestgelant zijn Item noch die rechte
helfte van eene mergen lants gelegen inden
rerechte voorscreven t eijnden aen die vierdalve
mergen ende negen roeden voorscreven dair
Eernst Willemsz die wederhelft vanden selve
morgen off toebehoort ende die selffde Eernst
Willemsz voorsz[egd] boven ende Cornelis Dircxsz
tot Bunnijck beneden naest gelant zijn ende ons LXXXVIIJ ende onser kercken voorscreven mit recht toebehoren
ende nijet meer elcx s iaers om twee gouden over
lantsche koerfurster rijnsche gulden goet van
goude van volre gewichte ende gerechter munte
voor datum sbrieffs gemunt ende geslagen off
die rechte weerde dair voor in elcker tijdt der beta
linghe dairmen alsulcke gouden koerfurster rijnsche
gulden om copen mach die ons Eernst Cornelisz
voorscreven ende zijn nacomelingen nae zijnre
doott dair desen erffpacht op comen zall jairlicx
vrij ende comerloes sonde enijghe affcortinge
off verminneringhe des voorsz[egde] pachts overmits
enijg ende van alle schade ongeval ofte ongelde
die op dit voorscreven landt comen mochte oick
van wat saicken dattet toequaem op hair zelffs
cost ampt ende arbeijt bijnnen onser kercken
ten Doem voerz[egd] betalen zullen als die ren
helfte van den gelde op sinte Martijnsdach
inden wijnter nu naestcomende ende die ander
helfte op sinte Peters dach ad Cathedram
dair naest volgende off bijnnen eenre maent
nae elcken termijn voorscreven ombegrepen
ende alsoe voort jairlicx van jaere tot jaere
van erffnaem tot erffnaem mit zulcke voorwaerden wairt saicke dat Eernst voorsz[egd]
ofte zijn nacomelingen jairlicx desen pacht ons
voll ende all nijet en betaelde tot zulcken ter
mijnen ende in allen manieren als voorscreven
is soe vielen zij allegader van allen rechts
ende toeseggens dat zij hadden off hebben
mochten aenden erffpacht des lants voorsz[egd]
ende soe quam dat zelve landt dan weder
vrij ende loss aen ons ende onser kercken then
Doem voorscreven onsen vrijen wille dair mede
te doen alsoe verre wij dat veruijm aen nemen
wouden ende anders nijet behoudelicken
ons nochtans den aftestadighen pacht te be
talen sonder argelist voort zijnt voorwaerden
dat Eernst Cornelisz ende zijn nacomelingen
voorscreven en zellen nochen mogen dit lant en
den erffpacht voorscreven nijet scheijden noch
deijlen noch vercoopen noch versetten noch
versellen noch aen nijemant anders brengen
noch in geenre hande manieren quijt worden
buten onsen consent ende wille onder die pene
van vervallinghe voorscreven ende waneer
Eernst voorscreven affleijvich wordt
soo zall desen erffpacht voorsz[egd] alheel
ende ongescheijden comen op eenen zijnen LXXXVIX outsten naesten wittastighen erffnaem een man
hooft naeret te wesen dan een wijffhoeft dair
zij beijden erven nae waren om alsucken pacht ende
in allen manieren voorwairden verbanden ende
peenen als voorscreven zijn ende alsoe voort
van erffnaem tot erffnaem ende die selve
erffnaem zell bijnnen eenen halven jaire nae Eernsten
doot dit landt ende den erffpacht voorscreven
aen ons versoucken ende nemen van ons nijebrieven
opten erffpacht ende voorwairden vooresz[egd] ende
geven ons weder brieven alleen sprekende beze
gelt mit des schoutz ende gerechtz zegele van
t Goij ende Houten beijde op zijnen cost ende
waert saecke dat die selffde erffnaem des
nijet en dede ofte enijch van den punten voorsz[egd]
verbraecke soe wel hij des gelicx van alle
rechts ende toeseggens dat hij hadde off hebben
mochte aenden erffpachte des lants voorscreve
alsoe verre als wij wouden in allen manieren als
voorscreven staet ende tot wat tijden desen
erffpacht voorscreven coemt op Eernst Cornelisz
voorsz[egd] zijnen wittastigen erffnaem van zijnen
lijve gecomen zijnde soe zall die selve erffnaem
bij ons den anderen bruederen ende susteren restitutie ende verscoeninghe doen indien dan dair enijge zijn
ende ander nijet behoudelicken Adriaen Cornelis
Claesz dochter zijn moeder haer lijftochte aenden
lande ende erffpacht voorscreven dae zelve te
bestitten te gebruijcken tot hoere rechter lijfftochte
ende tot lijftochten rechte soe lange zij in levende
lijve wesen zell ende nijet langer op alsulcken pacht
ende in allen manieren voorwairden verbanden ende
peenen als voorscreven zijn sonder alle arch
ende list in oirconde des sbrieffs bezegelt mit
ons capittels zeggel gegeven int jair ons
heeren duijsent vijffhondert een ende veertich
opten achtiensten martij aldus onderteijke[nd]
Johannes de Wterwijck vredecanus Vrancken
Bomel vtus cap[itu]li versz[eg]t ende vants
ons schout ende gerechtzluijden voorgen[oemd]
kenlicken is dat alle punten ende voorwaerden
alsoe voor ons inden gerechte belijt bekent en
geloest zijn soo hebbe ick Egbert Hen
ricxz schout voorscreven mijnen zegell
van des gerechts wegen ende mij zelven
ende mede over die gerechts luijden voorn[oemd]
om hoere bede wille aen desen brieff gedaen XI gegeven int jair ons heeren duijsent vijff
hondert een ende veertich opten negenende twijn
tigsten dach in november | 