Allen den ghenen die desen brief sullen sien off ho[r]en lesen doe ick verstaen Alijt[,] Gelijs Meertensz weduwe dat ick van den eerba[r]e hee[re]n
deken ende capittel der kercken van Oudemuster t Utrecht neghentien jae[r]en lanck durende in pacht en huirwere ontfanghen
hebbe een halve hueve lants geleghen in achtien hoeven inden proost gerecht van Sint Jans t Utrecht daer bouven
ende beneden die heren van Sint Cathrijnen t Utrecht naest gelant sijn opstrreckende van den oude weteringe tot in den
wilt vanck den selven he[re]n van Oudmuster en hoere kerck toebehoeren[de] om een sekere jairlicxe pensie als om neghen
gouden enlesie Vrancrijcxe schilden of ander goet paijment dair voir als die enlesie t Utrecht gemeenlijck daer voer
ontfangh sell en elcker tijt der betalingh ende om sess capoene te betalen den voorsz[egde] he[re]n off hoere cameraer inder tijt t utr[echt]
in hoere kerck op mijnen cost ampt ende arbeijt vrij gelt uuijtgeseijt hen schattingh ende open oorloge die ene helft vanden
gelde mit alle der capoen[e] voorsz[egd] io Sinte Meertijns dach inden wijnter nu naestcomende ende de ander helft op sinte
Peters dach ad cathedram daer naest volgende of bijnnen veerthiendagh nae elcker termijn voersz[egd] onbegrepen ende
also voert jairlicx dese voorsz[egde] neghentien ja[r]en lanck gedurende mede soe heb ick Alijt voorsz[egd] vanden selven he[re]n van
Oudmuster voergh[enoemd] aengenomen om ten halven te grenen dat veen tenden dat voorsz[egde] lant leggen[de] alsoe lange als die
selve veen voersz[egd] deren sel uit dusdanige verwairden dat ick den wijck nevens dat veen voorsz[egd] op maken sel en houden
ende dat vercleinen en breijden sal op mijnen cost en arbeijt gelijck mij nabueren des sel ick hen voir hebben alle den turff
die uuijt dese wijck voorsz[egd] valt ende noch een zoid[?] brurueng[?] die selve wijk of ghemeeten en oick die torf die daer uuijt valt
vort sel ick jairlcs geven boven dit voersz[egde] is uuijt dit veen voersz[egd] anderhalfhondert hout torffs welck ick op die anderer
marker setten sel om dair van te loeten mitten voersz[egde] he[re]n van welcke loetinghe of deijlinge die he[re]n voersz[egd] sullen moegh[en] kiese
ende nemen dat ene deijle tot ha[r]en wille na gelijcke deijlinghe ende indien den voersz[egde] he[r]en belieft alsdan hoe[re]n torf gecloet
te nemen soe sel ick daer toe gehouden wesen om desen turf van stonden aen nae beveel van den he[re]n te cloeten buten den he[re]n
cost waer voer ick hebben sel van elcke hout een lichten stuuce[?] ende waneer daer water is om den torff uuijt den wijck
te voeren soe sal ick tot belieften vanden here daer toe gehouden wesen om die te brengen bijnnen Utrecht en te leveren bijnne
een vanden graften daer dat den he[re]n believen sel op scheepsboot bijnne der mijle ende hijer voir sel ick hebben voor vracht
en sijss van acker hout voir hollantsche stuu[..] ende twee lichtoeckens ende dat uuijtgegreven veen sel ick weder make
tot goede lande nae oirbaer des lants voirt sijnt voerwairden dat ick der slage op der vaert aenghaen die v[er]sz[egde] halve
hoeve lants sel houden in den wijck schoen ende clair en alsoe weder om op te leveren teijnden dese v[er]sz[egde] neghentien ja[r]en ende
der oude weteringhe teijnden mij lant make op mijne cost en arbeijt voers sel ick gheen opgaende hout houwen buiten der
he[re]n consent en wes ick nochtant daer van ophouwer sel ick twe becleven poeten daer voor in die stede stellen van stonden aen
voert meer sel ick gheen beterschip aen stont ofte hout behouden tenden dese nighentien jae[re]n v[er]sz[egd] en in dien ick dan hier of vars[?]
sel soe selvuren[?] moeghem mijn huijss of coepen bij vier goede manieren seggen ofte dat bijden gerechte te betaelen mede sijnt
vorwairden waert saecke dat ick dese voorsz[egde] pacht jairlicx nijet en betaelde en nijet dede of en volbrachte en onderhield al t gheen
als voersz[egd] is of dat ick dit lant aen ijemant anders brochte buten consent der he[re]n voorsz[egd] soe viele ick van alle rechte en toesegghen
dat ick hadde aen dit lant en veen voersz[egd] ende dat quaam dan vrij en ledich weder aenden he[re]n ende hoere kerck v[e]r[zegd] hoere vrijen wille
daer mede te doene soe verer sij dat weder aen nemen wouden en anders nijet behouden hem al hoe[re]n afterstadighen pacht en schulde
dien hem dan afterstadich ware en hijer en boven indien ick mij gebreke ware en al dese v[er]sz[egde] punten angaen dat veen nijet en
onderhijelde als v[oor]sz[egd] staet soe ware ick den he[re]n vervallen van thein ecclesie oude schilt en van allso rechts sonder erch ende
list in oirkonder der wairheijt heb ick gebeden jonge Gijsbert Fredericksz desen brief over mij te willen bezegelen mit zijnen
zegel want ick selver gheen zegel in gebruijcke en ick jonge Gijsbert voorgen[oemd] om bede wille Alijt v[oor]sz[egd] hebbe mijn zegel
aen desen brief over haer gehangen gegen int jaer ons he[re]n dusent vijffhondert en achtien op sinte peters avont ad
cathedram