Allen den geenen die desen brieff sullen sien off ho[r]en lesen doe ick verstaen Goesen van Scaijck dat ick van den weerdige
hee[re]n deeken ende capittel der kercken van Oudemuster t Utrecht in eene eewige erffpacht ongescheijden aen eende erffgena[me] te blijve ontfangen
hebbe voers mij en Aleijt Cornelis Wouterssz van den Bossch dochter mijner huijsvrouwe een halve hoeve lants velts en veens alsoe groot en cleijn
als die van outs gelege is inden Achtienhoven in dez proesten gerecht van Sint Jans kerck bijnne Utrecht en ick laest selve in huere weege
hadt hebbe streckende van Bijsschopsweteringe opwert tot inde Drenschote toe dair bov[en] en beneden die heren van Sinte Katherinen van Sint Jans
oerde bijnne Utrecht naestgelant sijn den selven heere en huere kercken toebehorende om een zeeckere jairlixe pensie als om twalijff goede
gouden oude franckrijcksche schilden ofte die rechte werde dair voir als die gemeen enleie van Utrecht in elcker tijt der betalinge ge
meenlijk ontfange sall en ses goede pacht capoene coimerloes en vrij te betalen den voorsz[egde] ed[ele] heeren off huere camerear indertijt sonder
eenige maninge mij te voere dair aff te doen ofte doen doen t Utr[echt] in haere kercke op mijnen cost ampt en arbeijt vrij gelt sonder enijgerha[n]de
affcortinge off verminderinge haers pachts oick van wat saecken dattet toecomen mochte het wair van r[ent] k[erk]^r bede schare scattinge
bijden staten van den lande uitgeset en gecosenteert ofte nijet geconsenteert open oirloge open waije nijewe molens dijcken damen sluijsen wa
tergangen hoe en in wat manieren dattet gebuere toecomen ofte uitgeset mocht werden nijet uijtgesondert die een helfte van den voorsz[egde] gelde
mit alle die capoene op Sinte Mertens dach inden wijnter an[n]^o XV^e vierenadartich nu eerstcomende en dander helft vanden voorsz[egde] gelde op
sinte Peters dach ad Chatedra[m] dair naest volgende ofte bijnne eenre maent nae elcken termijn voorsz[egd] onbegrepen en alsoe voert jairlix erf
licken eewelick mit dusdanige voirwaren dat ick Gosen en Aleijdt mijn huijsvrou voirgen[oemd] desen voirsz[egde] erffpacht niet waerloes werden
noch een deele dair van ofte intgeheel aen ijemant anders brenge en sullenl moge dan bij will wete en co[n]sent der heere voorsz[egd] ende als
ick Gosenvan Scaijck mit Aleijdt mijne huijsvrouwe virgen[oemd] afflijvich werde ofte bij co[n]sent der voirgen[oemde] heere desen voorsz[egde] erffpacht
weerloes werde soe sall mijn ouste soen die ick hebbe bij Aleijdt mijne huijsvrouwe voorgen[oemd] en van in levende lijve ome onser
beijder doot bijnne jaers desen voorsz[egde] erffpacht aenden voirgen[oemde] heere versaecken nijewe brieve geve en neme op sijne cost inhoudende
als dese doen behouden en mit voirwaeren dat alle mijn ander kijnder die ick hebbe bij Aleijdt mijnre huijsvrouw voirgen[oemd] en nae
onser beijder doot in levende lijve wesende haer lijfftocht hebben en behouden sullen haer leven lanck en niet langer en die profijte dair
aff gelijck gebruijcken paerts paerts gelijck ende waert zaecke dat ick en mijn eerffgen[amen] voorsz[egd] dese voirs[zegde] pacht jairlijcx nijet voll
en all en betaelde opte termijnen voirsz[egd] ofte nijet en versochten ofte weerloes worden buijten will en co[n]sent der heeren voirsz[egd] ende alle pu[n]te
ofte voirwaerden nijet en onderhijelden als voirsz[egd] is soe vielen vrij van alle rechts toeseggens en beterschap dat wij hadden aen dit voirsz[egd] lant
en dat quaem dan vrij en ledich weder aen den heeren en haere kercken voirsz[egd] mitte getijmer aenmaecken vage geboemte gepoot ge
plant en alle beterschap daer meter tijt op tselffer goet staet ofte naemaels op getijmert aengemaeckt geset gepoet geplant en
verbetert mach weesen huere vrijen wille daer mede te doen sonder ijemants wederseggen van eenige berterschap dair aff the eijscchen ofte eeni
ge verstoringe dair aff doen ende dat wij ons dair nijet en sullen op verwere ofte laten releveren voir eenige rechteren ofte van eenige hoeve
ofte cancellarien geestelick noch weerlick bij ons selven ofte ijema[n]t anders hoen en in wat manie[r]en dat mend bedencken ofte versiere soede mogen
behouden den heren voirsz[egd] allen haer afterstaedigen pacht die hemluijden verscheene en dan noch onoch onbetaelt ware dien sij ofte hem gemachtichden
bode sullen moge verpanden ofte doen uitpanden en allen onsen goed roerende en onroerende tegenwoerdich en toecomende waer die benomen zullen mogen
weerden mit heerlicke execute ende uitpandinge gelijckerwijs k[.] ma[..]^r domeijnen bedinge excuse so uijtgepant en uijtgehaelt weerden mit allen boeden
verwonne en mitten costen dair omme gedaen en noch te doen sonder arch en lijst in oirkonde en waerheijt heb ick Gosen van Schaijck
voirsz[egd] mijn segell aen desen brieff gehange zegene int jair ons heeren duijsent vijffhondert Drieendartich opte veertienstedach in octob[e]r