Allen den ghenen die desen brieff zullen sien ofte hoiren lesen doe ick verstaen Anthonus Goessenzoen van Schaeijck dat ick vanden weerdighen hee[re]n vicedeken ende cap[i]ttel der kercken van Oudemuster t Utrecht in een eewigh
erffpacht ongescheijden aen een erffgen[aem] te blijven ontfangen hebbe een halffne hoeffne landts velts en veens alsoe groet ende cleijn als die van outs gelegen is inden Achtienhoven in dez proessten gerecht van s[in]t Jans kercke binnen
Utrecht ende Goessen van Schaijck mijn vader in een eewighen erffpacht lest beseten heeft streckende van Bisschops weteringhe op wairt tot inden Drenschoten toe daer boven ende beneden die heren van s[in]te Catherijn[en] van S[in]t Jans
oerden binnen Utrecht naestgelandt zijn den selven heeren ende hoerer kercken toebehoren[de] om een zeke[re] jaerlicxe pensie alse om twelff goede goude oude vranckrijcxe schilden oft die rechte werde dairvoer als die gemeen
ecclie van Utrecht in elcker tijt der betalinghe gemeenlick ontfangen zal ende zess goede pachtcapoen[en] comerloes ende vrij te betalen den voirsz[egde] hee[re]n of hoe[re]n cameraer inden tijt zonder eenighe maningge mij te voeren daer
aff te doen ofte doen doen t Utrecht in hae[re] kercke op mijn[en] cost ampt ende arbeijt vrij ghelt sonder enijgerhan[de] affcortinghe oft verminderinghe haers pachts oick van wat zaecken dattet toecomen mochte het ware van
k[..] ma[..]^ts bede sheeren scahttinge bijden staten van den lande uuijtgeset en geconsenteert oft niet geconsenteert oepen oerloghe open waeije nijeuwe moelens dijcken damen sluijsen watergangen hoe ende in wat manieren dattet
gebeuren toecomen ofte uuijtgeset mocht worden nijet uuijtgesondert die een helft vanden voorsz[egde] ghelde mit alle die capoene op s[in]te mertijns dach inden wijnter nu naestcomende ende dander helft vanden voirsz[egde] ghelde op s[in]te
Peters dach ad Cathedra[m] dair naest volgen[de] of binnen eender maent nae elcken termijne voirsz[egd] onbegrepen ende alsoe voirt jaerlicx erfflicx ende eeuwelick mit dusdanighe vorweerden dat ick Anthonis voirsz[egd] des[en] erffpacht
nijet weerloes werden noch een deel daer van oft int geheel aen ijemandt and[er]s brenge en zal moghen dan bij wille ende consent der hee[ren voorsz[egd] ende als ick affliivich wordde of bij consent der hee[re]n des[es] voorsz[egde] erffpacht weerloes werde soe sal
mijn naeste erffgen[aam] oft nacomelingen binnen jairs dese voirs[zegde] erffpacht aenden voirsz[egde] hee[re]n versoucken nijeuwe briefnen geven ende nemen op zijn[en] cost inhouden als dese doen ende waert zaecke dat ick mijn erffgen[aaen] ende nacomlingen voirsz[egd] des[e]s
pacht jairlicx nijet vol ende al en betaelden opten termijnen voirsz[egd] oft nijet ende versochten ofte weerloes worden buijten will en consent der hee[re]n voirsz[egd] ende alle pu[n]cten en voirweerden nijet ende onderhielden als voirsz[egd] is soe vielen wij van alle recht toeseggen ende
beterschap dat wij hadden aen dit landt voirsz[egd] ende dat quaeme dan vrij en ledich weder aenden hee[re]n ende haerer kercken voirsz[egd] mitten getdimer aenmaecke vage geboemte gepoet geplant ende alle beterschap dat daer nu ter tijt opt selffde landt staet ofte naemaels
op getdimert aengemaeckt opgeset gepoet geplant ende verbetert mach worden hae[r]en vrijen wille daer mede te doen sonder ijema[n]ts wederseggen van eenige berterschap daer aff te eijsschen oft eenige verstoringhe daer aff the doen ende dat wij ons daer
nijet en zullen op verweren ofte laten releveren voir enijge rechte[re]n oft van enighen hoven ofte cancellarijen geestel[ijk] noch weerl[ijk] bij ons zelven oft ijma[n]t and[er]s hoe ende in wat manieren datment bedencken oft versieren soede moeghen behouden den
heren voorsz[egd] all hoe[re]n afterstadighen pacht die hem dan verschenen ende onbetaelt ware dijen sij ofte ha[re] gemachtichden boden sullen moeghen
bevonden zullen moeghen werden mit heerlicke executie ende verpanden ofte doen uuijtpanden uuijt allen ons[en] goede[re] roeren[de] en onroeren[de] tegenwoordich ende toecomende waer die
uuijtpandinge gelijcker wijs k[..] ma[..]^ts domeijn[en] beden prijsz uuijtgepa[n]t ende uijtgehaelt werden mit allen boden verwonnen ende mitten costen daeromme gedaen ende noch the doen Mede zijnt
voirw[aa]rden dat voir een rijse nae mijn doot ende affliivicheijt des[es] voirsz[egde] erffpacht zal compen op mijn outste soen dan ind[er] tijt wesende oft gebraecke dijen outste dochter die dan gehouden zal wesen zijn ande[er]en broeders ende zusters samentl[ijk]
daer van verstrooringhe te doen bij estimatie ende goetduncken vanden gerechte aldaer oft and[er] goede ma[n]nen diemen daer toe ten beijden zijden zal ordonn[er]en ende schicken ende bij alsoe die goede ma[n]nen nijet en consten[?] hem accorderen zal men als de
daer toe schicken een overman ofte superarbijter die daer van een uuijtspraecke sal doen die welcke uuijtsparecke p[ar]tijen voirsz[egd] gehouden worden t acht[er]volgen ende hier aen sal dat outste kijnt daer des[e] erffpacht opcomen sal sijn and[er]en broe[der]s
ende zusters cortten eens hond[er]t karolies culde[en] tot XX stui[ver]s t stuck die hem voir sijn voirdeel toegebraecht mitsgad[er]s oick sijns kijntsdeele ofte legiti[me] vanden erffpacht voirsz[egd] ende ingevalle toutste kijnt die d erffpacht voirs[zegd] sal
toecomen zulcx refuseerde ende nijet en dilde accepteren dat alsdan die zelffde erffpacht zal gebruijcken ende toecomen d outste daer naest ende soe voirtaen altijt die soen gep[re]fereert wesende voir die docht[er] mit noch zulcker conditien
dat Gijsbertgen Gijsberts Mathijsssd[ochte]r mijn wettighe huijsf[rouw]e der voirsz[egde] mijn kijnde[re]n moeder nae mijn doot ende overlijden den voirgen[oemde] erffpacht sal hebben ende geneijten soe langhe ende ter tijt en weijlen toe zij wederhijlickt ende langer
nijet ende zij herhijlickt wesende dat als dan den selven erffpacht sal comen opt outste kijnt als voirs[zegd] staet sonde renighe fraude oft argelist in oirconden der waerheijt ende tot meerder vastichheijt van des[e] heb ick Anthonis
voirgen[oemde] dit met mijn eijgen handt ond[er]teijckent ende gebeden den eersamen Floris Foeijt borger t Utrecht desen brieff over mij te willen bes[e]ghelen mit zijn zeghel zoe ick selver gheen zeghel en gebruijcke t welck
Ick Floris Faeijt voirsz ter bede van Anthonis Goessensz voitgen[oemd} gheerne gedaen ende mijn zeghel over hem aen des[e] brieff gehangen hebben gegeven int jaer ons heeren duijsent vijffhond[er]t acht ende vijftich opten
zeven ende twintichsten dach in Aprill
                                                                                                                                                                                                                                         Tonis Gossenssz van Schaeijck