allen den ghene die dese brieff sulle sien off ho[r]en lesen doe ick verstaen Eernst Willemsz dat ick vanden eerba[r]en he[r]en deken
en capittel der kercke van oudemunster t Utrecht d ene ewigen erffpacht ongesceijden aen ene erfg[enam]en te blijve ontgangen hebbe twee margen
lants gelegen int Goij opt te geer ende vier hont lants gelegen tot westrom alle man[ie]ren ende voorwaerden als der brieff d hout die dit
geen voortsz[egd] mij daer van geg[ev]en heben aldus wij deken en capittel der kercke van oudemunst[ter] t Utrecht doen kondt allen
liden dat nog Eernst Willemsz verleent hebbe d end ewigen erfpacht ogescheijden aen ene efgen te blijve twee margen lants alsoe die
gelgen sijn in t Goij opten Gheer daer boven naestgelant is Joahan Lambertsz ende beneden die hre van den duijtsche huijse bijnne Utrecht
ende noch vier hont lants alsoe die gelegen sijn tot westrom mijt hare toebehoren daer vore onsser lieve vrouwe ontaer in g Goij ende
beneden Johan Eersten Naestgelant sijn om een seker Jaerlixe pensie als om een goeden ouden oude vranckrijxs schilet goet van goude
en zwaer van gewichten off also vele daer voor d andere goed paijmets als die geneen oicleser[?] van utrecht daer voor ontfangen
sall in elker tijt der betalingen comerloes ende vrij te betale ons off onsse cameraer dar tijt t Utrecht d onsse kercke jaerlicx op Sint
Peters dach ad cathedram off bijnnen eenre maent daer na onbebrepe sonder enegerhande afcortgen off verminderinge ons pachten voorsz[egd]
oick van wat zaecke dattz toecome mochte mijt dusdanigen voorwaerden waertsaick dat Eernst Willemsz voersz[egd] die betalinge des
voorsz[egde] pachts tot enigen tijt versuijmde ende nijet en betaelde alst voersz[egd] is also dick als dat geboerde soe waer hij sculdich dubbelter
pacht ende den dubbelden pacht sulle wij wt mogen doen pander mijtte cost die wij daer om sulle doen wt alle sijne goed waer die
gelegen sijn neijt allen boden verwonnen oick sijne voerwaerde dat Willem Eersten ende Geertuijt sijn huijsvrouwe ouders van Eernst
Willemsz voorsz[egd] hoer lijftocht hebbe sullen aeneden lande ende erfpacht voersz[egd] voert nae dode van Ernst Willemsz voersz[egd] so sall sijn
naeste erfgenaem die voorsz[egde] goet bijnnen jaers van ons versoecke op versuijme des goets voersz[egd] ende nijewe brieve geve ende nemen
d houden als dese doen op sijne cost sonder arch ende list in oerkonden des briefs bezegelt mijt onsse kercke zegell segelen int jaer ons here
vijftienhondert vijftien op Sinte Peters avont ad cathedr[am] in kennisse der waer__ soe heb ick Eernst Willemsz gegeven Herman
Acrijnsz dese brieff over mij te bezegele uijt sijne zegell nae ick op dese tijt selve geen zegell en hebbe ende ick Herma[n] Acrijnsz
voirsz[egd] soe beden Eernst Willemsz voorgen hebbe sijn zegell over hem aen des brieff gehangen segelen int jaer ons heren ende opten
dach voerscreven