Wij vierdeken en capittel des kerken van Oudemuster t Utrecht doen kenlicken allen luijden dat wij in huurwere
verleent hebn Acrijn Willemsz wonen[de] int Toij thien jare lanck durede ingaen[de] petrie ad cathedram anno XXXV naest
comede voor hem ende sijne erve thien mergen lantz soe die van outz gelegen sijn int Ghoij in allen nanijern ende
vorwaerden als die brieff dien hij ons daer op gege[ven] heeft ludende aldus allen den ghenen die desen brief sulle
sien off hoore lesen die ick vertaen Acrijn Willems int Goij dat ick vanden eerbare h[ere]n vierdeken en capittell der
kercken van oudemuster t Utrecht in pacht ende huerwere ontfangen hebben thien jaer lanck gedurede ingaender
petri ad cathedram anno XXXV naestcomende voor mij en mijne erve en nacomelinge thien morgen lantz soe groot
end cleijn als die van outz gelegen sijn int Ghoij opstreckende van die Oosterlac tot an die Goijer weteringe toe daer
boven naest gelant sijn van outz meester Wille Lochorst en de m[eeste]r Jacob Ian Lubertsz int selve eijgen ende beneden Sints
Barbare gasthuijs bijnnen Utrecht die den voorsz[egde] hooren ende hooren kercken toebhooren om een seker jaerlixe pensie
alse om elff goud hartoch ph[lip]s gulden off goet paijment dier waarde daer voor % elcker tijt der betalinge en om
capoen te betalen om voorsz[egde] heeren offt heeren cameraer inder tijt t Utrecht in harer kercke op mijne cost ampt ende
arbeijt vrij gelt wtgesondert optn verloge heren scattinge ende open ward en dare van te doen als boven en beneden
die een helft vanden voorsz[egde] gelde mit alle der capoen voorsz[egd] op Sinte Martjns dach inden wijnter anno XXXV
naestcomende en die ander helft vanden gelde op Sinte Piters dach ad Cathedram daer naest volgend off bijnne vier
thien dagen nae elckers termijn voorsz[egd] onbegrepen ende soo voort jaerlicx dese voorsz[egde] then iaren gedurende ende nijet
langer met dusdaniger vorwarden waert sade dat ick dese voorsz[egde] pacht jaerlicx nijet vol en all en betaelen op die
voorsz[egde] termijne ende in allen manijre als voorscr[even] staet soe viele ick claarlicke van dese huerwere en van alles rechten ende
toesegging dat ik hadde aen t voorsz[egde] lant en dat quame dan vrij en ledich weder aenen here voorsz[egd] ende haeren
kerck haeren vrijen wille daer mede te doen soe verre sij dat weder aen neme worden en anders nijet behoude
hem nochtans alle haere afterstadigen pachtes die dan afterstadich en onbetaelt waer sonder arche ende list
in oirconde der wareheijt want ick Acrijn voorsz[egd] selve op dese tijt geen segel en heb ick gebeden Athonij
Eerstsz deen brieff voor mij te besegelen mit sijne zegel t welck ick Anthonijs ter
gedaen ende mijn zegel aen dese brief voir hem gehageen hebbe begine int jaer ons heren Duijsent vijffhondert vier en
Dartich den achtsten dach van october in kennisse van desen hebben wij vierdeken inde capittel voorsz[egd] onse capittels
segell aen dese brieff doen hangen segel int jaers ons heeren en opten dach voorsz[egd]