Allen den geen die desen brieff sullen sijen of horen lesen doe ick verstaen Gijsbert Acrijnsz dat ick van den eer heeren deken
ende capittel der kercken van Oudemunster t Utrecht zes jare lang gedurende ingaende Petri ad Cathedram anno XVe
eenendetsestich in pacht ende huijrweren ontfangen hebbe twaelf mergen lants zoe groot ende cleijn als die van oudts gel[e]ge
sijn int Goij opstreckend van die Oisterlaeck tot aen die Middelwegen daer boven Jacob Jan Lubbertsz wonen[de] int goeij ende
beneden s[in]te Barbaren gasthuijs binnen Utrecht naestgelant zijn den voersz[egde] heeren ende heure kercken toebehoren om een
zeecker jaerlicxe pensie alse te samen om vierendetwintich goede goude oude vranckrijcxe schilden off ander goet paijment
die weerden daer voer als die elcke[?] van Utrecht daer boven jaerlicx ontfanen zullen in elcker tijt der betalinge ende om
twaelf goede pacht capoenen te betalen den voersz[egde] heeren off heuren cameraers indertijt t Utrecht in heure kercken op
mijnen cost nmpt ende arbeijt vrij gelt oeck outschiltgelt ende allen ongelden vrij wtgesondert open oerloech ende open waijen
daer inne mij die voersz[egde] heeren sullen doen als boven ende beneden die een heeft van den voersz[egde] gelde mit alle den cappoenen voersz[egd]
ofte bijen stuiver over elcke cappoen tot keure van den cameraer op Sinte Martijnsdabe inden wijnter naestcomende ende
die ander helfte op Sinte Peters dach ad Cathedram daer naest volgende off binnen veertijen dagen nae elcken ten mij voersz[egde]
onbegrepen ende alsoe voort jaerlicks dese voersz[egde] jaren lanck gedurende mit dusdanige voerwaerden waent
zaecke dat ick dese voersz[egde] pacht jaerlicx mijte vol ende al en betaelden in allen manijeren als voerscreven staet ofte dat
ick dit lant aen ijemants anders brochte buijten wille ende consent der heeren voersz[egd] soe vijele ick van deser huijrweer ende
van alle rechts ende toeseggens dat ick hadde aent voersz[egde] lant ende dat quame van brij ende leedich weder aenden heeren
ende heure kercken voersz[egd] heuren vrijen wille daer mede te doen soe verrt sij dat dan weder annemen wouden ende arnders
nijet behouden hem allen heuren achterstadigen pacht den zij zullen mogen doen wtpanden vuijt alle mijne goeden waer
die bevonden sullen werden mit allen boden verwonnen ende aengaende kampen weijlants leggende midsen daer inne dat
indien dat ick dat brake binnen dese zes jaren bij consent der heeren voersz[egd] zal ick gehouden wesen drie jarigen driesch[..]
dat weder op te leveren hier toe verbijndende alle mijne goeden tot heerlicke ende reale exicutue vanden hove van Utrecht
belovende hier van te commen passeren nae van condemnatie voorden zelver hove op mijnen cost de vermaent zijnde
sonder argelist in oerconde der waerheijt soe hebbe ick Gijsbert Acrijns z[oon] voersz[egd] gebeden Laurens Ottenszoen
borger t Utrecht desen brieff over mij te wilen besegele mit sijne zegel soe ick op dese tijt selver geen zegel en hebbe dat ick
Laurens Ottens voersz[egd] te bede van Gijsbert Acrijnsz voorn[oemd] geernt gedaen ende mijnen zegel over hem aen desen brief
gehangen hebbe gegeven int jaer ons heeren duijsent vijfhondert eenendetsestien opten vierentwintichsten julij