allen den ghenen die dese brief sullen sien off ho[r]en lesen doe ick verstaen Aelbert Gherijtsz dat ick tot aen welcken erfpacht ongescheide
aem emem erfgenaem te blins ontfangen hebbe vanden erbare he[re]n deken ende capittel der kercke van oudemunster t Utrecht een viertel
lants alsoe die gelegen inden kerspel van Schalcwijck opstreckende wt Schalcwijcker weteringe tot den Walsthen opslachter daer
Govert van Coerdt Henricksz boven en Ghijsbert Gerijtsz benede naest gelant sijn toebehoerende den her[e] van Oudemunster voorsz[egd] en
hoere goedshuijse en sonderlinge den vicarius des oujaers van Sint Nicolaes en Sinte Catharina inde capelle van Bronckhorst dair
op dese tijt besitter af is meester Alexander Neus om een sese jaerlicxe pensie als om twee goede oude vrancrijcxe schilde als die
eccleser van Utrecht in elcker tijt der betalinge ontfangen sell of ander paijment dat daer goet voor is gheughe[?] en gave ende
twee goede pacht carpoen commerloes en vrij te betalen den v[oir]s[zegde] he[re]n en hoeren goedshuijse of den vecarius mede tijt der oujaers
voirsz[egd] waneer hij dat selve bedien t Utrecht en haren kercke op mijnen cost ampt en arbeijt sonder enijghainder ofcortinge
of verruijminge des pachts voersz[egd] die een helfte vanden pacht v[oor]sz[egd] op Sinte Meertens dach inden wijnter nu naestcomende
met die capoen v[oor]sz[egd] en doe ander helft op Sinte Peters dach ad Cathedram daer naest volgende of bijnne eenre naent nae
elcker termijn voirsz[egd] onbegrepen en alsoe voert jairlicx erflick en ewelick mit dus danige voirwaerden als waneern ick Aelbert
voirsz[egd] oflivich warde of des goets weerloes worde soe sal mij naeste erfgen ofe nacomelinge daer dat voirsz[egde] goet op come sall
dit selve goet bijnnen jaers aende hem voersz[egd] versoecken nijewer brieve geven en nemen sprekende in alre manigen als dese doen en
na dat gewoenlicke is voert sijt vorwarde waert saecke dat ick Aelbert mij erfgen ofte naecoelinge den v[oor]sz[egde] pacht jairlicx
nijet vol en all en betaelde of nijet en versochten als voersz[egd] is of enich vanden pu[n]ten verbrake soe veleij wij van desen
erfpacht geheel en all en van allen rechte dat wij aen desen voirsz[egde] landen hadden en dat lant quame dan vrij en ledich weder
aenden he[r]en voirsz[egd] hoeren vrijen wille daer mede te doen alsoe verre sij dat weder aen nemen wouden en anders nijet behoude
hem altoes all hoeren afterstadige pacht dien hem dan afterstadich en onbetaelt ware mede sijnt voerwarden dat Helghen Jan
Volkerszen, Aelberts huijsfrou hoer lijftocht houden en hebben sall aen dt vorsz[egde] lant opten pacht en allen voirwarden voirsz[egd]
in oirkonde der waerheijt heb ick Aelbert voirge[noemd] gebeden en bedde Thonijs Eerstsz desen brief over mij te bezegelen met sine
zegele want ick op dese tijt selve gheen zegel en gebruijcke ende ick Thonijs voirgen[oemd] om bede will van Aelbert v[oor]sz[egd] hebbe
mijn zegel hier onder aen gehangen gegeven int jaer ons he[re]n Duijsent vijffhondert neghentien opten neghentienste dach
van november