Gijsbert Acrijnsz int Goij
Wij vicedeken en capittell der kerck van oudemunster t Utr[echt]
doen kondt allen luijden dat wij sess jaer lang duren[de]
in pacht en huijrwere gegeven hebben Gijsbert Acrijnsz
twaleff mergen lantz soe groet en cleijn als die van
outz gelegen sijn int ghoij in allen namijren en vor
wareden als die brieff inhoud die hij ons dair op gege[ven]
heeft enden alden allen den ghene zo vi[..] of ___
in kenijsse van desen hebbem wij vicedecken en capittel voirsz[egd]
onsz kerck segel aen dese brieff doen hangen gege[ven] int jair ons
he[re]n en opten dach voirsz[egd]
63
ad maneren[?] camere[?] Gijsbert Acrijnsse Allen den gheenen die desen brieff zellen zien
off hoeren les[en] doe ick verstaen Gijsbert Acrijnsz
dat ik vanden eerbaren heeren vicedeken ende capittel
der kercken van Oudemunster t Utrecht ses jaer lanck
durende ingaende petrj ad cathedram anno vijff en vijfftich
twaleff mergen lants zoe groet ende cleijn als die van
outs gelegen zijn int Goij opstrecken van de Oisterlaick
tot an die Middelwech daer boven Jacob van Lubbertsz
wonen[de] int Goij ende beneden zinte Barbaren gasthuijs bijnnen
Utrecht naest gelant zijn den voersz[egde] heeren ende hoeren kerck
toe behoeren[de] om een zeeker jaerlicxe pensie alije the
zamen om twijntich goede goude oude vrancrijcxe schilden off
ander goet paijment dier weerden daer voer als die ecclesie
van Utrecht jaerlicx daer voer ontfangen zel in elcker tijt
der betalinghe ende om twaleff goede pacht capoen the
betalen den voersz[egde] heeren off hoeren cameraer inde tijt t Utrecht
in hoere kerck op mijnen cost anpt ende arbeijt vrij gelt oick
oudtschilt gelt ende allen ongelden vrij dan alleen uitgezondert
open oerloghe open waije daer inne mij die voersz[egde] heeren
zullen doen als boven ende benden die een helft vanden voersz[egde]
gelde mijt alle die capoen voersz[egd] op zinti Mertijns dach
inden wint[er] lestleden anno LV naestcomende ende die and[er] helft
op zinte Peters dach ad cathedram daer naest volgende
off binnen veerthien daghen nae elcken termijn voersz[egd] onbegrepe
ende zoe voert jaerlicx dese zess jaeren lanck geduijren[de] ende
nijet lang[er] mit dusdanighe vorwaerden waert zake dat
ick dese voersz[egde] pacht jaerlicx nijet voll ende al en en betaelde
in allen manijeren als voersz[egd] staet off dat ick dit lant aen
ijemant anders brochte buijten wil ende consent der heeren
voersz[egd] zoe viele ick van desze huijrwere ende van alles rechts
ende toezeggens dat ick hadde aent voersz[egde] lant ende dat
quame dan vrij ende ledich wed[er] aende heeren ende hoeren
kercken hoeren vrijen wille daer mede te doen zoe
verre zij dat wed[er] aen nemen woude en anders nijet
Ende[wat opghaende hout daer op staet blijft de vers[zegde]
he[re]n hoere vrijen wille daer mede te doen ende teijnden
dese VI jaren indien ick ghene nijeuwe[?] huer[?] mitt[en][?] v[er]s[zegde]
he[ren] maeckte soe sal dit lant vers[zegd] vrij loss ende ledich word[en]
comen ende anden hen souden enijch vage beterschap daer van
te moghen eijsschen behoud[en] altoes all hoere affterstadighen pachten den zij
zullen mogen doen uijtpanden uijt allen mijnen goed[en]
waer die bevond[en] zullen werd[en] mit allen boed[en] ver=
wonnen F ende daer toe stellende alle mijne goeden tot
heerlijck ende reael executie vanden hove provicael van Utr[echt]
mede beloven[de] hier van te passeren acte van condemnatie
voerde zelven hove zoe wanneer mij die heeren daer toe
vermanen ofte vermanen doen alle dunck zond[er] argelist
in oerkondt der waerh[eij]t heb ic ghebeden Cornelis van
Spithoven mijn huijsfr[ouws] vader desen brief over mij te bezegele
mijt zijn zegel mijt zijnen zegel t welc ic Cornelis
voorsz[egd] the bede van Gijsbert mij zwa[g]er gedaen ende mijn zegel
over hem aen desen brieff ghehangen hebbe gege[ven] int jaer
ons heeren duijsent vijffhond[ert] vier ende vijfftich op ten
negende dach van november F (ende aengen[de] het campge
weijlants leggende midts daer ine van den XIJ mergen in dat indien hij ic
dat brocke binnen dese zess jaren zal ic gehonden wesen
drije jarich drijess dat weder op te leveren | 