Wij Gijsbert Reijersz ende Sophia Luten dochter sijn dochter sijn huijsfrou belijen ende bekennen mits desen voor onse erffgenamen in pacht ende huerweeren ontfangen te hebben vanden
grontfesten en[d]e vromen jonck[heer] Johan van Rensse van Culenborch en[de] joffrou Josina Johan Stuijsch Alphertssz dochter sijn huijsfrou ende haer erffgenamen een halve hoof landts thuijs en[de]
thandtvrij soo die van outs gelegen in optie hamstede streckende uit den heemstede dijck tot die haer van wilps landt toe dair joncker Willem van Wuissen zuijtwerts ende
Adam Rants erffgenamen noortwerts naestg[eland] sijn ende Cornelis Geritsz optie Heemstede laetste gebruijct heeft mit Anthonia sijn huijsfrou negen jaer lanck duerende ingaende
petrie ad cathadram anno XVc negenendesestich naestcomen[de] siaers te samen om vijftich karolus keijsers gul[den] van twijntich brab gevaiuerde stuivers t stuck off ander goet gevalueert
paijment die weeren dair voer inde tijt der betalinge ende dair toe jairlicx een mud goots weijts thien goede pacht capoen een mud hauvren een botterwegge van sess pondt hondert
eijer ende vier goede scapenkesen elck weegende vierdalff pondt geclongen goet te betalen die een helft van den gelde mit alle die capoenen voirsz[egd] op sinte Martens dage inden winter
nae datum der huijren voirsz[egd] inganck naestomen[de] ende dander helft op sinte peters dage ad cathedram daer naestvolgende off bijnnen een maendt nae elcken termijn voirsz[egd] onbegrepen die botter
en[de] eijer voer paesschen die haver beij die betalinge van den voirsz[egde] capoenen die vier scapen kesen in die meij oft alst jonck[heer] Johan van Renesse en[de] sijn huijsfrou versz[egd] belooft die weijt oock
martinij ofte ten minsten te midtwijnter well betaelt ende soo voort jairlicx dese voirsz[egde] jaren uitdueren ende dair toe sellen wij huijrluden voirsz[egd] den voirn[oemde] jonck[heer] Johan en sijn huijsfr[ouw]
eens geven te enerkeckermis nu naestcomen een goet vet scaep dat te paesschen een lam geweest is ende dit sell all wesen vrij gelt ende pacht van outscildtgelt ten clairlicke
van allen anderen ongelde ofte onraden also nutertijt open voirsz[egde] lande is off namaels dair op comen en[de] geseth sell moegen worden uijt uitgesondert dan alleen open oirloech dair selmen ons
ten sij bij jonck[eer] Johan van Renessen en joffrou Josine sijns huijsfrouwen voirsz[egd] ofte hairre erffgenemen wilh en consent item tweijlandt van deen voirsz[egde] lande en selle wij huijrluijden
voirsz[egd] uijt goeijen noch breecken dn alleenlick mit beesten beweijden en[de] theijnden die voirsz[egde] leste jaren dat hoochlandt in goeder vagen opleveren als oguede huijluden sculdich
sijn inde behoren te doen item soe menige kootwilch alse opten voirsz[egde] lande staende uitgaet en[de] uijtgezaeijt sall worden sellen wij huijluden voirsz[egd] ofte onse erffgenamen
waer twee goede becleven poten voer in die stad stoken item alsulcke drie jarige rijs alse wij ofte onse erffgenamen alsoo opten voirsz[egde] lande aenden willigen vijnden sollen
wij thijnden den voirsz[egde] huuriaren dair op laten itm soo sellen wij huijrluiden voirsz[egd] gehouden wesen den voirn[oemde] jonck[heer] Johan van Renessen ende sijn huijsfrouw voirgen[oemd] miten geven dier
hun belieft eens siaers tot haerileider vermanninge mit onsen wagenen en[de] peerde tot onsen huijse uit te halen aldair goede chiere te doen en[de] waer thuijs te brengen all tot onsen coste
voort sijndt voirwaerden waert dat wij Gijsbert Reijersz ende Sophia sijn wijff voirsz[egd] ofte onse erffgenamen desen voirsz[egde] pacht jairlicx uijt voll en[de] all
en betaelen op ten termijnen in manieren voirsz[egd] off enijge punten off voirwirden heer inne begrepen verbraecken ende uijt en hielden noch en voldeen soo waeren wij
alsdan therstondt vervallen van dese huerweere des landts voirsz[egd] en[de] clairlicken van alle rechts ende toeseggens dat wij enichsins daer aen hadden ende t selve landt
en[de] goet mit alle sijn toebehoren quame alsdan therstondt wederomme vrij en[de] losse aen joncker Johan van Renesse end joffrou Josina sijn wijff voirsz[egd[ ofte haere erffgen[amen]
haeren vrijen wille mede te doen onbecroont van ijemandt indien zijluden t verwuijm aen hem nemen willen en[de] ander nijt behouwelicken henlieden nochtants
alle haers verschenen en[de] onbetaelde pachts als dan dairoff verschenen en onbetaelt sijnde allet voirsz[egde] is bij heerlicke ende reale executie shooffs prvintiaell
t utrecht voir welcken hove wij beloven acte van condemnatie hierop te passeren therstondt soo soo wanneer men ons ofte onsen erffgenamen des vermaent ofte vermane doot
sonderarch des toirconde soe hebben wij Gijsbert Reijersz ende Sophia sijn huijsfrouw voirenoemt desen brieff elcx onderteijckent mit ons selffs handt en[de] dair toe
gebeden Cornelis Thijmansz ten Bosch als hier over mede p[rese]nt geweest sijnde desen brieff over ons te onderteijckenen en[de] Jan Jansz scrijver desz[e] brieffe mede over ons
te besegelen mit sijnen segele want wij op dese tijt selver gen segele en[de] geb[eden] dat wij Cornelis Thijmansz ten Bosch en[de] Jan Jansz ter bede der voirsz[egde] p[er]sonen elcx
manieren voirsz[egd] geerne gedaen hebben gegeven int jaer ons heren XVc achtendetsestich opten vijffendetwijntichsten dach in junio | 