Alle den ghenen die desen brief zellen zien of horen lesen doe ic verstaen Jacob Duer scout
tot Bunnijk dat dat voir mij voir die lantghenoten ende buere die hier na bescreven staen quam
int gherechte Jacob van Jutfaes Florenszoen borger t Utrecht ende begheerde eens ordeke if de
vier morghen lanck neghen en[de] twintich roeden mijn steckende van Riisbrug ende kde[?] daer
Bertout Janszoens erfnamen boven naest ghelant ziin ende beneden Jan Witvaer[?] also vrij
ende also los ziin waren dat hij die brijke moch te vercopen versetten versellen enden enen
vrijen eijgen dair af gheven dien hij woude ende hem wert ghewust mit rechte ende mit
oirdele dat hut wel doen mochte ende dat die ghifte mit rechte stedicheijt hebben sal ende
aleen so gaf Jacob van Jutfaes voirseijt rechtekomt over Wouter Luitgens zoen den
vrijen eijgendom aenden vier morghen lants neghen ende twintich roeden mijn voirseijt
also als die hier voir bescreven ende bepaelt staen ende zo teeck[?] daer ar ende van alle
rechts ende toesegghens daer hij daer aen hadde tot behoef Wouter Luitgens zoen voirghe
noemt also rechte ende ondele vonsden dat hi sculdich was te doen ende dat die ghiefte ende
vertichte voirseijt mit rechte stedicheijt hebben ende houden sal sonder arghelist daer dit
gheschiede waren over ende ane Herman van Oemeren, Willem Pieterszoen ende Dirck Jans
zoen lantghenoten ende buere inden gherechte voirscreven ende andere veel goeder luden
in oirkonde deser dinghe voirgenoemt zo hebben wij Jacob Duer schout Herman van
Oemeren ende Willem Petersz zoen voirseijt desen brief beseghelt mit onsen segelen van des
gherechte weghen over ons selven ende ic Willem Peters zoen voirseijt mede over Dirc
Jans zoen voirghenoemt om ziine beden wille ende ic Dirc voirseijt orkonde dit ende
tughe onder Willem Petersz zoens segel voirghenoemt ende hebbe hem ghebeden desen brief
mede over mij tebesegellen mit zinen segel want ic daer mede over ende aen gheweest
hebbe daer dit gheschiede gheliic hier voir bescreven staet gegheven int jaer ons
heren dusent vierhondert zesse ende dertich des sonnendaghes na sinte Aechten dach