Ic Philipe Duclerckhof ende tijnsineister mijns genediche here[n] van Utrecht doe kont allen den ghenen
die desen brief sullen sien off hoere[n] lesen dat voir mij en[de] hofgenoten hier naebscreve[n] gecomen is Goert
Gerritszoen ende droech op in mijne als in des hoefs handen mit sijnen vrijen moetwille twee mergen
lants gelegen inden kerppel van Bunick dair boven naist gelant is Sweer van Rijsenborch en[de] beneden
Claes van Valkendael streckende mitten ene[n] eijnde aen de ka[de] en[de] mitten anderen eijnde aen Rijsbruggerwech
ende Goert voirsz[egd] geng[?] die twe merge[n] lantsz voirsz[egd] uit en[de] vertecch dair af clairliken als die hofgenoten
wijsden dat recht was en[de] hij sculdich wair te doen soe dat hij dair niet meer aen en behielt noch wachtende
en was dat geschiet wesende verleide ic aldair rechtenoirt en veckende de selve twe morgen lants
voirsz[egd] Luijtken Wouterszzoen te hoeden tot een hofguet mijns gendiche here[n] voirsz[egd] en[de] in allen manier[en]
als Goert voirsz[egd] die van mijne[n] genedige[n] here[n] te houden plach behoudelike ijnen genedige here[n] sijnen
pach ten[de] mallick sijns rechte hier waer[en] over ende aen Loef van der Haer, Bertrout Merckszzoen
hofgenote[n] mijnsz gendiche here[n] voirsz[egd] ende meer gueder lude in oirkonde sbriefs besegelt mit mijnen
segel in jair onsz her[en] dusent vierhondert vijfe en[de] tseventich op ten dertiensten dach in junio