Ick Cornelis de Ruse belije ende bekenne dat ick in pacht en in huirweeren ontfangen hebbe van
joff[rouwe] Margriet van Backerweerde seven mergen lants soe groot ende cleijn alse van outs gelegen
zijn tot Schalckwijck ende icks selver laetste gebruijckt hebbe streckende wt Schalckwijckerwe
teringe tot aen Blockhovenre Weteringe toe dair die heren van Oudemunster boven en de heeren
van den Duijtschenhuijse t Utrecht beneden naest gel[and] zijn thien jair lack duerende ingaende Petri
ad cathedram anno XV vierendetwijntich elcx siairs om dertien goede goueden overlantsche koe
voiste rijnssche gulden van volre gewichte voer daten s briefs gemunt en geslaegen off ander goet
paijment der weerden daer voer inde tijt der betalinge ende dair toe elcx ses om vier goede pacht
capoenen te betaelen die een helft vanden gelde mit alle de capoene voirsz[egd] tot sinte maeertijns dach
inde wijnter nu naestkomende dia andere helfte op sinte peters dach ad cathedram dair naestvolgen
ende soe voert jairlicx diese voersthaen[de] wtduerende ende dit sell all wees[en] vrij gelt van allen on
gelde ofte onraede als nu opte voirsz[egd] lande is off naemaels dair op comen ofte geset mach
werden wtgesondert open oirloech open waijen en groot mergengelt bij den heren en den dreijn
staten slants wutgeset dair sell mij die voirsz[egd] joff[rouwe] Margriet off doen gelijckmen boven en
beneden doen sell mit voirwairden dat ick Cornelis de Ruese voirsz[egd] dit voirsz[egd] lant aen
nijmant ander brengen noch voirt verhueren sell dan bij jff[rouwe] Margriet voirsz[egd] wille ende
consent ende theijnden dese thien jaer voirsz[egd] soe coemt dit voirsz[egd] lant wederome vrij
ende loss aen joff[rouwe] Margriet voirsz[egd] off aen haeren erffgen[amen] off naecomelinge hoe[rlieden] vrijen wil
le dair mede te doen onberroert van mij off niemant anders ende sounder mij off mijne erffgen[amen] dan
enijge lange voirhuer naehuer vaech betersschap rechts off toesegge meer te hebben off
te vermeten in enijgerwijs alle dinck sonder argelist in kennisse der waerheijt hier off soe
hebbe ick Cornelis de Ruese voirsz[egd] ghebeden Anthonis Eerstensz desen brieff over mij the
besegelen mit sijnen segell want ick op dese tijt selver gheen segeel en hebbe dat ick an
thonis Eerstensz ter bede Cornelis de Ruese voirsz[egd] gheern gedaen hebbe zegel int jair
ons heren duijsent vijfhondert driendetwijntich op sinte Thomas aront apostell