Ick Cornelis die Ruese woonende tot Schalckwijck helije en bekene dat ick in pacht en in huijrwere ontfange
hebbe van die eersame p[ri]orine ende t geme[n]e convent van ihrs[a]m[e[?] regularisse binnen Utrecht gelgen sueven mergen
lants soe groot en cleijn alse van auts gelegen sijn tot Schalckwijck en ick selver ghebruijct heb streckende wt
Schalckwijker weteringe tot aen Blockhoever weteringe toe daer die here van Audemunster boven en die heren
van den Duijtsenhuijsen t Utrecht beneden naest gelegen sijn negen jair lanck durende ingaende petri ad
Cathedram an[n]o vijftienhondert ende negen en twijntich elcx jairs om negen goede gouden overlantsche koer
vorster gulden Rijnsche van volre gewichte voer datu s briefs gemunt en gheslagen off ander goet paijment
dier weerden daer voer inder tijt der betalinge en jairlix om heghen mud goets weits op een stuver nae die alre
best tot oirde[e]l van die vijnders indient van node waer ende daar toe jairlix vier goede pacht capoene ic betalen
die helfte van die gelden ende die helfte van die weitt mit alle die capoenen voirsz[egd] tot sinte Mertus dach in
die wijnter nu naest comende en die ander helfte van die gelden en weit op sinte peters dach ad cathedram daers
volgende off binnen eenre maent nae elcke termijn onbegrepen en soe voert jairlix dese voirsz[egde] jaren wtdurede
ende dit sell all wesen vrij gelt van allen ongelden ofte onraden als nu opte voirsz[egde] lande is off naemaele dair
op comen ofte gesett mach warden wtgesondert allen open oirloech en open waijen en groot mergen gelt dat
bij die heer vande lande wtgesett sell werden daer sell mij t convent voirsz[egd] off corten gelijckene boven en benden
daer off doen sell mit voirwerden dat ick Cornelis die Ruese voirsz[egd] lant aen niemant anders brengen
noch voert verhuijre en sel dan bij het convents voirsz[egd] consent ende wille en teijnden desen negen jaren
voirsz[egd] soe coemt die voirsz[egde] lant weder ome vrij ende loss aent t convent voirsz[egd] haere vrijen wille daer mede te
doen onberroent van mij Cornelis voirsz[egd] ofte mijne erfgenamen ofte naecomelingen dan enighe langer verhuijr
nachuijr vaech beterscap rechts ofte toeseggens meer aen te hebben off te vermelt in enigher wijs oick sijt
voirwerden dat ick Cornelis voirsz[egd] wert saeck dat ick^diepacht voirge[noemt] jairlix niet en betaelde op elcke termijn
in maniere en voirwarden voirsz[egd] off enich van die voirge[noemde] punten en voirwerden verbraken en niet en hielde soe
waer ick Cornelis voirsz[egd] dan van dese huuijrweer en rechts en toeseggens vervallen dat ick hadde aen den selfde
lande voirgen[oemd] en quaem dan weder aen die p[ri]orine ende t convent voirsz[egd] haere vrijen wille daer mede te doen
alsoe verre als^sijdat op nemen willen en anders niet behoudelicke nochtans die p[ri]orine ende t convent voirsz[egd]
haeren verschenen en onbetaelden pachte te betalen sonder argelist die seght luijde waren Hubert Hendricksz end
Wille[m] Joesten van Schalckwijck in kenisse der wairheit hier off soe hebbe ick Cornelis die Ruese voirsz[egd] gebende
Anthonis Eerstensz desen brieff over mij te bezegelen mit sijne zegel wat ick op dese tijt selver gheen ze
gell en hebbe dat^ikAnthonis Eernstensz ter bede Cornelis die Ruese voirsz[egd] gheern gedaen hebben gebin int
jair ons heren duijsent vijfhondert negen en twijntich des donredachs voer sinte peters dach ad
Cathedram