alle den ghenen die desen brief sollen sien of horen lesen doe ick bestaen Godert Gherijtsoen scout in stevens gherechte van Zulen en Nijevelt
ed houden van den rijn dat van mij en[de] van die lantgenote[n] ende buere die hier nabescreven staen quame inden voirsz[egde] gherechte Peter Willamssoen ende
Wendelmoer sijn wijn ende negherden eens oudels of die helfte van den drie morgen lants geheten die Gheer also alse die gelegen sijn in den gerechte voirsz[egd]
daer Heinric Peter Tijmanszsoen die weder helfte of toebehoert dair Gherijt sondenbalchs erf[ge]name bove[n] end[e] die Strijtbiertel beneden naest gelant sijn also vrij
ende also lot hou waer dat sij dat mochte vercopen versetten verstellen ende den vrijen eijgendom dair off overgeven mochten vrijliken wijen dat sij willen
en[de] hem wart gewijst miet recht ad mit oerdele dat sijt wel daer mochten en[de] dat die gifte mitte rechte stedicheijt hebben ende houden sell soe dat gedaen
was aldaersz gemen Peter Willamszsoen ende Weijndelmoet sijn wijf voirsch[reve] over mit samender hant alse recht wijsde Heijnric Peter Tijmanssoen die
rechte helfte vanden drie morgen lants voirgh[enoemd] mit allen horen toebhoren en[de] den vrijen eijgendom dair aff daer Heijnric voirsz[egd] die weder helfte
off rekhaert[?] als die hier voir bescreve[n] ende bepaelt staen ende betegen daer aff mit hande voirsz[egd] en[de] mede van allen brieve die daer of roerende
sijn ende van alle rechts ende toeseggens dat sij daer aen hadden als hem dat aengecomen ende besterven is van dod Janne hare dochter die
Heijnrich van Bosschhusen Heijnricksoens wijff te wesen plach tot behoeff Heijnric Peter Tijmanssoens voirg[enoemd] alse die lantgenoten ende buere
wijsden dat recht was en[de] sij mit recht sculdich waren te doen en[de] dat die gifte ende ende bettichte mieten rechte stedicheijt hebben ende houde[n] sell
en[de] die weder helfte vanden drie morgen lants voirsz[egd] die Heijnrick voirsz[egd] toebehore[nde] siin Mechtelden Suien wine aenghecome en[de] bestorven van dode
Heijnric van Bosscherhuijsen Heijnrick soen haers broeders voirsz[egd] hierwaren ome ende aen daer dit gheschiede Willam Foijt, Jan van Roden, Godert
van Roden en Tijman Goir lantgenot[en] en bueren inden gherechte voirsz[egd] ende anders veel goeder ende in kennijsse der wairheijt so hebbe ick
Godert Gherijtssoen scoute voirsz[egd] mijnen segell aen desen brieff gedaen vandes gerechte wegen voer mij zelven ende mede over die lantgenote
en[de] buere[n] voirg[enoemd] om here beden wille en[de] mij lantgenot[en] en[de] buere voirg[enoemd] oirkonden dit en[de] tugen onder de scouten segel voirsz[egd] en[de] hebben
hem ghebeden desen brieff mede over ons ge beseghellen mit sinen segell want wij hier mede over en[de] aen geweeest hebben dan dit aldus
gheschiet is gelijck hier van bescreve[n] staet ghegheven int jaer ons her[en] dusent vierhondert twe en[de] tsestich ses sonnedages opten groten z
vastelavont inde vasten uts[upra]