Alle den ghenen die desen brief zellen zien of lezen doe ick verstaen Egbert Ghijsbert zoen scoute tot Velthusen inden
kerspel van Hermelen in Stevens gherechte Van Nijevelt dat voir mij ende van die lantghenoten ende bure die
hier na bescreven staen quam int gherechte Gherbrant Oter Duijst Rijcontszoen ende begheerde eens oirdelsz of die helfte van en
derhalve morghen lants also alse die gheleghen zijn inden gherechte voirscreven daer Pouwels van Malsen dat weder deel af toe
behoert daer Jans erfnamen van Benthem boven naest ghelant siin ende beneden Beernt Grawert ende Peter Hermanszoon alzo
van ende also los zijn waer dat hi die vrijlicken mochte vercopen versetten versellen ende over vrijen eijghendom of gheven dien hi
rvande ende hem wert ghellust mit rechte ende mit oirdele dat hut wel doen machte ende dattet mit rechte stedicheijt hebben
zoude ende aldaer so gaff Gherbrant Oter Duijst voirscreven voir hem ende voir Mechtelden sinen vruie daer hij op dese tijt
wittelick boerte bij heeft rechte vaert over Pouwels van Malsen voerscreven den vrijen eijghendom vander helfte van de anderhalve
morghen lants van stijt alsoo als die hier voir bescreven en[de] bepaelt staen ende[?] verteech[?] daer of ende van alle rechte ende toesegghens dat
hi daer aen hadde ende mede van allen brieven die daer or veerende hun ter behoef Pouwels van Melsen voirgenoemt alse recht en[de]
oirdele wusden dat hi sculdich was te doen en[de] dat die ghifte ende vertichte voirseijt mt rechte stedicheijt hebben en[de] houden sel en
gheloefder hem mede jaer en[de] dacht te waren en[de] dach te waren ende te vrijen als erfcoop rech is en[de] allen voorkommen of tedoen sonder arghlist daer
dit gheschiede waren over ende Arie Gherit Claeszoon, Goijert Gherrit Claesz zoene zoen en[d]e Ghijsbert van der Mare lantghenoten en[de]
overe inden gherechte voirschreven ende anders veel goederlude in oirkonde deser dinghe voirghenoemt so hebben wij Egbert
Ghijsbertszoon scoute ende Gherit Claes zoon lantghenoet voirschreven onse seghellen aen desen brief ghedaen vandes gherechtswegen
met ons selven ende Egbert Ghijsbertszoen voirscreven mede over die lantghenoten en[de] buere voirseijt om here beden
wille ende wij lantghenoten en[de] buere voirscreven orkonden dit en[de] tughen ander des scouten seghel voirghenoemt en[de] hebben hem ghe
beden desen brief mede over ons te beseghellen met sijnen seghel want wij daer mede over ende anewaeren daer dit gheschiede
gheluc hier voir bescreven staet ghegheven int jaer ons here dusent vierhondert drie en[de] vuftich op ten fuftienden dach in maerte