alle den genen die desen brieff sellen sien off hoeren lesen doen wij verstaen Adriaen Gijsbertsz schoudt Gijsbert Gerits
sz[oon] ende Goeijert Luijtgens szoon de With scheepene tot Velthuijsen Reijerscoop Bijlevelt ende rosweijde in des grentsijde
ende vrouwe Henrick vander Borchs gerechte dat voer ons quam int gerechte die edele ende welgeboren heer Gerit
van Renesse ritter ende raidt des tee mats in sijne mats hove provinctiaell t Utrecht ende begeerde eent oerdels van ons
off die rechte helfte van elff mergen landts mit boemgaert bepotinge ende gebouwte daer op staende van eijgen goet
soe groot ende cleijn alse die gelegen sijn op Velthuijsen inden gerechte voerschrenven daer Henrick Ruijsch die wederhelft
off toebehoert streckende van Heijcoper opstall tot Reijerscoper dijck toe daer joncker Steven van Rossum ende d erffgen[amen]
van Ludolph Jansz boven ende den armen hoothulp binnen Utrecht beneden naestg[eland] sijn op ten commer ende belastingh
hier nae verclaert soe van ende losse hem waere ende toebehoerde dat hij die mochte vercopen versetten verseller
ende den eijgendom daer van overgeven vrijlicken wien dat hij woude ende hem worden gewesen mit recht ende
mit oerdele dat hijt well doen mochte ende dattet mitten rechte steedicheijt hebben ende houden sall ende aldaer
soe gaff heer Gerit van Renesse ritter voerschreven voer hem ende vrouwe Geertruijt van der Haer sijne wettige geslinne
daer hij op dese tijt wittelijck geboerte bij heeft als recht was over Gherit van Schroeijensteijn ende Frederick
van Rodenborch procuratoers van t sinte Eliszabetten gasthuijs binnen Utrecht ende tot behoeff des selffden gasthuijs
die rechte helfte van den elff mergen landts eijgen goedts miet boemgaert beptinge daer op staende
soe die gelegen sijn int gerechte voersz[egd] ende hier voer beschreven ende bepaelt staen ende hij verteech daer off
ende claerlicken van alle rechts ende toeseggens dat hij daer aen hadde ende mede van allen brieven die daer off
roerende sijn tot sinte elizsabetten gasthuijs behoeff voergenoemt alse die scheepen wijsden dat recht was
ende hij mit recht schuldich was te doen ende dat die gifte ende vertichte mitten recht steedicheijt hebbe ende houde sal
ende hij gelooffdent den selffden geasthuijse versz[egd] mede te vrijen ende te waeren ersslick ende ewelick als erffcoop
recht is naae recht ende gewoente van den lande op vijftich karolus gulden van twijntich stuiver t stuck siaers
lossrente te lasten mit eens achthondert der selver gul[dens] die heer Frans die Helt als gemachticht ende tot behoeff
van prior ende gemeen convent van den carmeliten tot Toelen volgns segels ende brieve daer op ende uijt heeft ende anders
alle voercommer ende voerplichten off te doen sonder arch des toerconde soe hebben wij Henrick van der Borch als ambacht
heer der versz[egde] gerechten ter relatie van mijnen versz[egde] schoudt ende scheepen ende Adriaen Gijsbertsz schout over ons selven ende mede
over die scepenen voerg[enoemd] ter bede van henl[ieden] elcx onsen segell van des gerechts wegen hier beneden uijthangen[de] aen dess[e] brieff
gedaen dat wij scepen[en] versz[egd] oerconde ende mijgen onder segele versz[egd] ende hebb[en] des toerconde dess[en] vrieff elcx onderteijckent mit
ons selffs handen gegeven int jaer ons heeren XVc tweendetsestich opten negentienden dach in decembri | 