alle den gheenen die desen brieff zellen zien off horen lezen doe wij verstaen scout ende schepenen der stadt van Utrecht die ons kennelicken is dat Antonis
Eerstenszoen over die derde duer ginck ende quamen aldair voor ons int gerechte ende gaff ende maicte mit zijn zelfs handt voor hem selven Matheus Block die rechte
helfte van der alinger huijsinghe ende hofstede mit allen zijnen toe behoren alsoe die gelegen is anede Sprinckwech aende oostzijde der selver straten daer t convent vande
regulieren bijnnen Utrecht boven ende Anthonis die Man beneden naest gelegen zijn Matheus Block die selve huijsinghe te hebbe te besitten ende erffelicken te behouden ter stont
nae dodt Anthonis Eerstenszoen verschenen behoudelicken Anthonis voorscreven Gijsbertgen zijn huijsfrou ende Cornelia Jan Lambertszoen dochter ende die lang
ste levende van hen drien hoir lijftochte aende helfte vander huijsinghe ende hofstede voorscreven ter selve tijt soe het Anthonis Eerstenszooen voorschreven wt zijner
momberscap mit recht ende mit oerdelle Gijsbertgen zijn wijff voorscreven ende maicke die selve voort machtich omme te mogen gaen voerden schout ende scepenen t Utrecht
int gerechte ende aldair eenen anderen momber te kiesen om stedicheit mede te doen ende voert mit haris gecoren mombers handt te geven ende te maecken Matheus
Block voorsreven die ander helfte vander huijsinge ende hofstede voorscreven behoudtlicken Anthonis Eertstenszoen, Gijsbertgen zijn weijff voorscreven ende Cornelia
Jan Lambertszoen dochter oick hoert lijftochte in manieren voorscreven aende andere helfte der huijsinge ende hoffstede voorscreven dat oick gedaen wesende een wtijnich
tijts dair nae quam voor ons opter stadt plaets ter gewoonelicken plaetse int gerechte Ghijsbertgen, Anthonis Eerstensz wijff endt koes aldair eenen anderen
momber om stedicheit mede te doen alse recht aende oerdelle wijsde dat zij sculdich was te doen ende aldair soe gaff ende maicte Gijsbertgen, Anthonis Eerstenszoens voorsz[egd]
mit haers gecoren mobers handt voorgenoempt Matheus Block dit andere rechte helfte van der alinger huijsinghe ende hoffstede mit allen zijnen toe behoeren alsoe die
gelegen is aende Sprinckwech aende oestzijde der selver straten daer t convent van de regulieren bijnnen Utrecht boven ende Anthonis die Man beneden naest gelegen zijn
Matheus Block die selve huijsinge te hebben te besitten ende erffelicken te behouden ten stont nae dode Gijsbertgen, Anthonis Eerstenszoen wijff voorcreven behoudelicken
Anthonis Eerstenszoen, Gijsbertgen zijn wijff voorscreven ende Cornelia Jan Lambertszoens dochter ende die langste levende van hem d[]en hair lijftochte aende helfte der
huijsinge ende hofstede voorscreven sonder arch dit geschieden onder Johan van Culemborch schout Goeijert Bell, Lubbert van Alenderp, Aelbert van Leeuwen
Henrick van der Berch, Amelijs Wten Enge, Gerist van Nijenrode, Johan van Quijck, Gijsbert van Wede, Willem Goeijertszoen, Adriaen van Zuijdtoert, Johan
Regulinck, Johan Zoudebalch en Adam Ram schepenen van Utrecht ende dat dit verstaende stadt blijve soe hebbe wij schout ende schepenen voorgenoempt ponser stadt
grote zegell van desen brieff gedaen t tien oirconde zegenen int jair ons heeren duijsent vijffhondert drie ende dertich des dijnsdages den lesten septembris

vanderbosch