alle den genen die desen brieff sellen sien off horen lesen doe wij verstaen scout ende
scepen der stadt van Utrecht dat voir ons quamen int gerechte Konnegont Tijmen Knijfs
wedue Delijaen Gerti Spijkers wedue ende Willemtgen hair dochter die sij hadde bij Gerit Spij=
ker haren man zaliger gedachten ende gaven elcx mit hairs gecorens mombers hant dair sij mit
recht ende mit oirdele aen quamen over Gijsbert Eerstensoen die huijsinge ende hoffstede mit
alle haren toebehoren alsoe die gelegen is inder straten geheten die Sprijncwijck opter Oostsijde
der selver straten streckende voir van der straten oestwert op tot aen Boijen Janssoen ende Sijme
Hijndricx nacomelingen erve toe dat nu Egbert Rutgertssoene erffgenamen sijn daerij Rijclant
Peters dochter mit hare kijnderen boven ende dat convent van den regulieren t Utrecht mit eene
huijsinge ende hoffstede beneden naest gelegen sijn te weten dat Konnegont voirscreven gaff
allen die een helft ende Delijaen ende Willemtgen hair dochter voirscreven gaven t samentlijck
der ander helfte ende dese voirscreven personen vertegen dair off elcx mit han den voirgenoemt
ende van alle recht ende toeseggens dat sij dair aen hadden ende miede van allen brieven die
dair off rurende sijn tot Gijsbert Eerstenssoen behoeff voor genoemt alse recht ende oirdele wijs de
dat sij sculdich waren te doen ende sij geloefden hem elcx hen helft van die huijsinge en de hof
stede voirscreven jairende dach te waren op alsulcke tijen scillinge als die heren van den duijts
sen huijsinge t Utrecht jairlicx wter huijsinge ende hoffstede voirschreven hebben nae sinte Lamberts
dach naestcomende ende alle voirplechten ofte doen sonder arch oitgesnede onder Gijsbert van
Lantscroon scout Goijert van Voerd Heijnricssoen, Gijsbert de _aen, Egbert van Grienenberch, Jan de
Wit, Jacob van Snellenbertch, Goijert van Voerd, Jan van Rodenborch, Loeff van der Haire, Lubbert van Ale
drix, Willem Saell, Jan van Voerd ende IJsbrant IJsbrantssoen scepenen t Utrecht ende op dat die vast
ge daen tenen oirkonde gegeven int jair ons heren Duijsent vijfhondert ende vijftien des[?] dome[?]
dages opten negentien den dach in aprille Snellenbach