alle den genen die desen brieff zellen zien off horen lezen doe wij verstaen scout
ende scepenen der stadt van Utrecht dat voir ons quamen int gerechte Gijsbert Eersten
soen ende Heijll Mathijs Willemsoens wedue ende gaven over alse Gijsbert mit sijns
helfs hant voir hem selven ende Heijll mit hares gecoren mombers hant dair sij mit
recht ende mit oirdell aen quam en sijgh int gesamender hant alse recht wijse
Antonis die Man die huijsinge ende hoffstede van voren tot asteren mit alle haren
toebehoren gelegen inde sprincwijck aende oostzijde dairt convent van die Regu
lieren binnen Utrecht naertwerts ende Tonis Eerstensz, ,Ghijsberts voirscreve brueder
zuijtwerts naest gelegen sijn ende zij daertegen dair off mit handen voirscreve ende van
alle rechts emde toeseggens dat zij dair aen hadden ende mede van allen brieven die dair
off rurende zijn tot Antonus behoerff voirgenoemt als recht ende oirdell wijsde dat zij scul
dich waren te doen ende zij geloesdent hem mede jair ende dach te waren op al
zulke tins als convent van den Duijtcen huijs binnen Utrecht daer jairlics van
outs erffelicken wt hebben nae Sinte Lamberts Sach naestcomende ende alle voirplich
ten off te doen zonder arch[list] dit gesciede onder Gijsbert van Lantscroon scout Goeijert
van Voerd Heijnricsz, Gijsbert die Craen, Willem van Winsen, Wilem die Waeel van
Cronesteijn, Jacob Pot, Gerit Petersz van Merenborch, Jacob van Voerd, Jacob van
Lewen, Dirck van ZUlen, Jan van Daeijenborch, Jan van Waell ende Fredrick die
Coninck scepenen t Utrecht ende op dat dit vast ende staende blijve soe hebben
wij scout en scepenen voirgenoemt onsez stadt groete zegell aen desen brieff
gedaen tenen oirkonde gegeven int jair ons heeren duijsent vijffhondert ende
negentien der dijschdages na divisijonis Apostolaum Vronestein