wij huijsmeistersz ende ghemeen bruers van Sunte Bartholmeus gasthuijs binne Utrecht lijen ende bekenne mit deesen onsen pene
brief dat wij vercost hebben den eersame prior ende ghemeen co[n]vent vanden reguliere binne Utrecht een goude ioh_s[?] beijersche g[u]l[den]
oude erfflicke renthe siaers die t gasthuijs voersz[egd] hadde wt een huijsinghe en hofstede ghelgehen in die Springwijck aen die
oostzijde van der strate daer boven naest gheleghe sijn camere toebehorende die reguliere en t gasthuijs voersz[egd] gemeen ende beneden
mit husinghe en hofstede naest gheleghe is Anthonis Eerstensz om een seker somme van ghelde die ons die p[ri]or en convent
voersz[egd] vol ende all betaelt heeft den lesten penninck mit den eersten ende nij wert tot ghemeen orbaer en profijt des gasthuijs voirsz[egd]
ghekeert en gheorineert hebbe the weten daer wij mede afhecost hebbe sommighe oude erffelicke renthe gaende wt husin
ghe en hofstede geheleghe op den zuijeheck vanden Brantsteghe ende aende husinghe daer bij gheleghe t gasthuijs voersz[egd] goebehorende
ende wij huijsmeisters en gheemen bruers voersz[egd] loven voer ons ende onse nacomelinghe als tot wat tijden die prior co[n]vent
voersz[egd] ofte hoer nacomelinghe voerder in dese renthe voersz[egd] beghere ghenestich the sijn dat wij ofte onse naecomelinghe dan
hem die voer scout en scepen overghene sellen tot hore simpels vername sonder arghelist in kennis der waerheijt
soe hebben wij huijsmeisters en ghemeen bruers voersz[egd] ons gasthuijs seghell aen desen brief ghedaen ghegheve int
iaer ons heere dusent vijffhondert vier en twijntich op ten derden dach in junio