Wij prior en gheneen con[v]ent van de regulie[re]n binne Utrecht soen kondt alle luden
alsoe Anthonis Eerstensz en Ghijsbertgen sijn echte huijsfrouw ons in recht aelnussen en om goede
wil ghegeheve hebbe hoer huisinghe en hofstede gheleghe die Sprinckwijck daer sij nu ter
tijt t woene en op date van huden ons die gherechtelicke overghegheve en oghedraghe
hebbe mit alle brieve die daer of ruerede sijn soe lijen en kene wij voer ons en onse
nacomelinghe dat Anthonis en Ghijsbertgen voersz behoude hebbe hoer lijftochte aen
die husinghe en hofstede voersz[egd] ende dat sij oock ghegheve en ghegont hebbe gheve
en gonne Cornelia Ja[ns] Lambertsz dochter mede haer lijftochte aen dese husinghe te hebbe
Alsoe dat wij prior en con[v]ent dese husinghe en hofstede voersz[egd] uijt aenveerden of bestitte
en sollen dan nae die leste doot van dese drie persone voersz[egd] mit sulke voerwaerde
nochtans dat wij hier en tussche en van stonde aen beghinnede dese husinghe i goede
raeck en saeck houde selle op onse cost watn sij dant sculdich sijn den ghene die
sonderlinghe gonst en liefte tot ons drghe en dat mit die wercke bewijsen weder om
dancberheit te thone soe ghene wij puer om goeds wil Anthonis Eerstensz en Ghijsbertgen
sijn huijsfrou voerge[noemd] elcke een grafstede in onse kercke en ghelove mede een ijghilick
van hem beijde nae hare doot die god salich make wil mitte eren te halen eerlicken
te begrave mit misse vigelie en ander behoerlicke dienst nae ghewoente ons convents
ende daer en bove een ijghelich van hem beide een dertichsten nae te doen ter stont nae
haer doot the houde oeck vier soenedaghe en alle maenstonde een iaer lang durde
dan voert alle iaer hoer beider name in ons memorij boek ghesaeme wesende op te
lesen hoir iaergetide te houde mit misse en vigelie en mitse over te grave te come op
haer sterfdach of daer ontrent ghelijck wij sonderlinghe vreende pleghe te doen eewelick
durende alle dinck sonder arghelist in kenisse der waerheit soe hebbe wij prior en
con[v]ent voersz[egd] ons con[v]ents seghel aen desen brief ghehanghe gegheve int iaer ons heere
dusent vijfhondert drieendertich opten lesten dach van septe[m]ber