Ick Dirck Sweersz doe konct allen luijden ende bekenne mit dese mijne opene brief dat ick in huerweere ontfanghen hebbe van den ersame prior
ende ghemeen convent van den reguliere binne Utrecht een half hoef lants gheleghen in Schalckwijck soe groet ende cleijn als ick die self
laest gebruijckt hebbe streckende van Schalckwijker weteringhe tot aen den dijck daer boven naest ghelant is t convent van oudem_eerden[?] ende benede
naest ghelant sijn Ghisbert Gelisz nacomelinghen mit lant dat hij houdt in erfpacht van sinte bartholomeus gasthuijs ghien iaer lang
durend ingaende op Sinte Peters dach ad cathedram anno vierendedertich den hoop om then ouden gouden vranckrijksche sculden goet
van goude ende vol van ghewichte of die weerde daer voer als die reelesi[?] van Utrecht iarlixks nemen sell voorz den oude scildt in elcker tijt
der betalinge ende dare toe elcker iaer acht goede pacht capoen te betalen all iare die een helfte van de geachte voersre[ven] mit alle die
capoene op sinte Martijnsdach in den wijnter ende die ander helfte op sinte peters dach ad cathedram naest volgend end al soe voirt
iaerlicks dese thien iaer wtdurende of ses weken nae elcker termijn onbegrepe ende dit sall all weden vrij ghelt van allel onghelden
onrade wtsettinghe ofte scattinghe dat nuu op dit voerscreve lant is of binne dese thien iaer voerscr[even] comen mach her ofte in wert
maniere dat geschien mochte all waert oeck saick dat ons genaden here mit die drie state enighe wtsettinghe dede in welcke begre
pen waer dat die grontheer een deel ofte paert mede ghelden sonder dat en sel men uijt moghe baten mer[?] ick salt alte samen alleen ghelde
ende betalen sonder enighe ofcortinghe des pachtes vorscreven nijt wtgesonder dan alleen open oirloghe en open waijen web[?] dit voerscr[even]
lant daer toe ghebuijre sall te ghelde dat sel ick Dirck voirsz[egd] ter goeder tijt wtleggen en daer sal mij die prior ende convent voerscreven van corten
als men boven ende beneden doen sal den ghenen die om alsodanich vrij ghelt gehuert hebben ende ick en del dit voerscreven lant aen niemant
anders brenghen noch voret verhueren sonder des convents voerscreven wille ende condent voert sijnt voerwarden waert saeck dat ick of mijn huijs
vrouw binnen dese thien iare voirsz[egd] stozue[?] of den pacht op elcke termen als voirscreven is uijt en betaelde of enich der voerscreven punte brake
ende uijt en heilde soe ware ick als dan vervallen van dese huere voerscr[even] ende claerlicke van allen rechts ende toeseggens dat ick of mijn
erfnamen hadden aen dit lant voirsc[reven] en dat quame dan terstotn vrij losse ende ledich aen den convent voirscreven hoere vrijen wille daer
mede te doen alsoe verre als sij dat dan op neme willen en anders nijt bejpudelick hem nochtans alle hoers verschene en onbetaelden
pachts zonder argelist des t oirkonde soe hebbe ick ghebeden Anthonis Eerstens desen brief over mij te besegelen mit sijne zegel want
ick op dese tijt selge gheen zegel en hebbe dat ick Anthonis voirscreven ter bede Dirck voirsz[egd] gheerne ghedaen hebbe ende hebbe mij zegell
hier aen gehanghen gegheve int jaer ons heere dusent vijfhondert vijf en dertich op den achtiende dach in februario