Allen den ghenen die desen brieff zullen sien ofte ho[r]en lesen doen wij verstaen v Willem van Ass Matheus scout
gemachticht op dese tijt van Luijtgen Woutersz weghen scout op de Weteringe tot Houten in Willem van Cuijlen en[de] van
Nijevelts gherechte Eerst Dircx van Scaeijck , Andrick Hilbrantsz van Rossem en[de] Philips Hilbrantsz van Rossem lantgenot[en
en[de] bueren inder gherechte voirsz[egd] dat voir ons quamen int gherechte Luijtgen Woutersz scout voirsz[egd] selver Wouter Luijtgensz
Peter, Fije, Philips, Ghovert en[de] Cornelis Luijtgen Woutersz zoensz kijnder ende ghaven al over the ghesamelijcken mit
ghesamender hant voor hem en voir horen erfnamen alse Luijtgen Woutersz en[de] Wouter Luijtgensz sinen zoen voirsch[reven]
selver mundich voir hem selven mit hoiirs selfs hant en[de] Wouter voirsz[egd] ghass[isteerd] mede over als een recht bestorven voocht
en[de] momber van sijn ander broedersz en[de] custeren voirgenoemt en[de] dair toe soe ghaven noch Wouter, Peter, Fije, Philipsz,
Ghovert emde Cornelisz voirgen[oemd] alle sesz om die naerze vasticheit wille over mit hande en[de] mit monde houre magen
en[de] vrienden van horen vier vierendelen die dair op die tijt teghenwoirdich en[de] voir ogen waren heer[e] Bertout
Huijgenz priester en[de] vicariusz t sinte Mertijnsz in den Doem t Utrecht tot behoeff den eerwaerdigen heer[en]
capittel t sinte Mertijns in den Roem voirsz[egd] een vrijen eijghendom van drie m[er]gen lants mit allen sinen toebehoe[re] n alsoe groot en[de]
cleijn alse die gelegen eggen int gherechte voirsz[egd] int Fuijlcoop opstreckende uijt die hooon tot in Scalckwijcker weteringe toe dair
Gherit Bomert Ghijsbertsz mit sinen medewerkersz boven en[de] die nonnen van Wijck beneden naest gelant sijn en[de] dese voirghe
noemde personen verteghen dair voirt off en[de] van allen rechts en[de] toesegghensz als sij dair aen hadden tot behoeff den eerwer
digen heer[e] en[de] capittel van sinte Mertijnsz voirsz[egd] claerlijcken mit allen rechte en[de] mit oirdele en[de] mede van allen brieven die
dair off ruerende mogen wesen alsoe als dese voirs[zegde] lantgenot[en] en[de] bueren wijsden dat recht was en[de] sij mit rechte sculdich
waren te doen en[de] dat die ghifte en[de] vertichte mitten rechte stadicheijt hebben en[de] houden sel nae den rechte van den lande ende
mede soe gheloofden Luijtgen en[de] Wouter sijn zoen voirsz[egd] voir hem selven mit hoirsz hant en[de] Wouter voirsz[egd] als een voocht
en[de] bestorven momber voir sijn ander broeders en[de] zusteren voirgen[oemd] en[de] dair toe soe gheloofden noch Wouter, Peter, Fije, Philipsz
Govert en[de] Cornelis den voirsz[egde] Luijtgen Woutersz kijnder alle ses die naerze vasticheijt wille mit handeen[de] monde hoire
maghen en[de] virenden van horen vier vierendelen voirsz[egd] ghesamelijken mit ghesamender hant en[de] elcx bij sonder een voir
al voir hem en[de] voir horen erfnamen en[de] naecomelingen dese voirsz[egde] en[de] bepaelde drie m[er]gen lants te waren en[de] te vrijen jaer
en[de] dach alse erfcooprecht is en[de] alle voircommer en voir plechten off te doen nae den rechte van den lande alle dunck
sonder arch en[de] list in kennisse der waerheijt soe hebbe ik Willem van Ass Matheusz scout ghemachticht voirsz[egd] mijnen
zegel aen desen brieff ghedaen over mijn selven van des gherechtsz wegen en[de] mede over dese voir genoemde lantgenot[en] ende
bueren om hoire beden wille en[de] om ghebreck hore zegelen op dese tijt en[de] wij Eerst Andriesz en[de] Philiph lantgenot[en] en[de]
bueren voirsz[egde] kennen en[de] tuijghen dit als voirsz[egd] staet onder ons ghemachticht scouten zegel voirgen[oemd] en[de] hebben hem ghe
beden desen brieff over ons te bezegelen ghelijcker wijs en[de] in alremanieren off wij dit elcx mit ons selffs zegelen
bezegelt hadden en ick Luijtgen Woutersz voirsz[egd] hebbe mijnsz selfs zegel mede aen desen brieff ghedaen over mij
selven om die meerre vasticheijt wille ghegeven int jae[r] ons liefs heer[e] dusent vierhondert vijff en[de] tachtich opten
heijlgen dertien avont [= 5 januari]