Allen den ghenen die desen brieff zullen sijen off hoe[re]n lesen doe ick verstaen Philips Luijtgenssz borger t Utrecht
datt ick voor mij en[de] mijnen erffnamen van den eerbae][re]n he[re]n deken en[de] capittell der kerck van Sinte Ma[r]ien
t Utrecht gehuert en[de] in pacht ontfangen hebbe en hoeve landts der selven he[re]n toebehoren[de] soe groott
en[de] cleijn die gelege[n] is inde prochij van Schalckwijck int Vuijlcoop en hijer nae bepaelt staett in allen voir
waerden en[de] manie[r]en als der voirg[enoemde] he[re]n brieff die ick dair op ontfange[n] hebbe mitt hairs capittels secreelt
zegell bezegelt datt vorden innehoudt en[de] begrepen heeft spreken[de] van woirde aldus wij dek[en]
en[de] capittell der kerck van sint Ma[r]ien t Utrecht doen soude en[de] kenlick allen luden datt wij verhuert
hebben en[de] verhue[re]n mits desen onsen brieve Philips Luijtgensz borger t Utrecht voor hem en[de] zijnen
erffnamen een hoeve landts onss kerck voirsz[egd] toebehorend[e] soe groott en[de] cleijn als die geleg[en] is inde prochij
van Schalcwijck int Vuijlcoop streken[de] van Schalcwijcker weteri[n]ge tott in de hoen dair datt convent bijn
nen wijck boven en[de] Gherijt van Schadijck oft zijne erffname[n] en[de] Jan die Witt Stevenssz met zijne medewer
kers beneden nederwerts naest gelandt zijn thijenja[re]n lanck durend ingaende op sinte Petersdach ad cat
thedram inden jae[re] vijfftienhondert negenendetwijntich nu naescomen[de] alle jair voor vier ende t sestich
gouden hartouch ph[il]l[ip]us gulden van oistenrijck offt die rechte weerde dair voor aen ande[re]n goeden paymente
dair men sodane hartouch ph[i]l[ip]us gulden t Utrecht inde wissel om sall mogen halen in elcer tijtt der beta
linge en[de] voirt twaloff goede capoen[en] te betalen jairlicx t Utrecht bijnne[n] onse montaen[?] op zijnen cost ampt
en[de] arbeijt ons ofte onse camerair inden tijtt wesend[e] van desen goeden geen helfte van de gelde mitt die twa
loff capoen[en] voirsz[egd[ op sinte mertens dach in den wijnt[er] en[de] dand[der] helfte op sinte petersdach ad cathe
dram dair naest volgen[de] off bijnne[n] sess weecken nae elcken termijne voirsz[egd]e onbegrepe[n] vrijsgelts sonder
affcortinge van enige[r] onrade ongelde ofte schattingen hoe danich die wesen mochten die nu opte voirsz[egde] lande
zijn off nae maels comen mogen in enigerwijs uitgesondert alleen open oorloch en[de] open waijen en als dan zal
men hem dair aff corten alsmen boven en[de] beneden doen zall ende desen pacht voor alle dese jae[re]n voirsz[egd]
zall Philips Luijtgenssz voor hem en[de] zijne erffname tott onsz vermanige verwillecoe[re]n bijnne[n] Utrecht
dair sulcx behoe[re]n zall tegeschien die jairlicx te betalen opten voirsz[egde] termijne bij alsulck boeten end[de] pe
nen als dair op gestelt sullen werden all op zijne[n] cost mitt sulck voirwaerde datt Philips Luijtgensz
noch zijne erffname[n] voirsz[egd] gebrake zijns ditt voirge[noemde] landt nijema[n]t voort verhue[re]n versette verselle split
ten noch deijlen noch aen nijemant anders hande[n] brengen noch oick zaijen hoijen off enich sins breken
en sullen dese huer were durend[e] the wae[re] bij onsen openbair wille en[de] consent noch zijn t voirwaerden
wairt sake datt Philips Luijtgenssz off zijne erffname[n] voirsz[egd] gebrake zijns desen pacht jairlicx nijett
voll en[de] all en betaelden opten termijnen voirsz[egd] oft enich van den ande[re] vorwaerde[n] in desen brieff begre
pen brake en nijett en hielde soe sullen zij mette selver daett vervalle wesen van den huerwee[re] en[de] van
allen recht en[de] toesegge datt zij aenden voirsz[egde] lande hadde sonder enigerechte vordere gegeestelick oft
weerlick dair om te doen ende t selve landt quam dan vrij ledich en[de] loffwed[er] om aen ons en[de] onse kerc
k voirsz[egd] onsen vrijen wille dair mede te doen onbecroont van ijema[n]t soe verre als wij t versuijm dan
wed[er] aen ons neme[n] woude[n] en[de] anders nijett behoutlick ons noch tans alle onses versetens pachts die me[n]
ons dan noch schuldich wae[re] sonder argelist des toirconde[n] hebben wij onses sapittels secreet zegell aen
desen brieff doen hange[n] geg[even] int jae[re] onsesn he[re] duijsent vijffhondert acht ende twijntich opten negen
thiende dach in augusto in kennisse der wairheijt soe hebbe ick Philips Luijtgenssz voirg[enoemd] mijn zeggel
uijthangen[de] aen desen brieff gedaen inden jae[re] en opte[n] daghe voirsch[reven]