llen den ghenen die desen brieff zullen sijen off horen lesen doe ick verstaen Goeijert Luijtgenssz dat ik van den eerbaren her[en] de
ken ende capittel den kercken van Sinte Marien t Utrecht verpacht ende de selve he[re]n mij gegeve[n] ende verlijet heb[be]n den erff
pacht van een hoffstede mitter stenen camer en[de] alsulck getijmmer als dair nu op is off naemales op getijmert zall werden gelegen
int Goeij alsoe die hier nae bepaelt staett in allen verwaerden en[de] mani[er]en als den brieff die ick dair op van den voirs[zegde]
he[re] ontfangen hebbe mit hoers capittels secreet zegell besegelt dat innehoudt sprekende van woirde tot woirde aldus
wij deken ende capittel der kercken van Sinte Marien t Utrecht doen konde ende kenlijck allen luijden dat wij tott eene we
licken erffpacht ongescheiden aen een erffnaem te bliven gegeven ende verlijet heb[be]n gheven ende verlijen mits desen onsen
balue Goeijert Luijtgenssz eene hoffstede metten stenen camer ende alsulck getijmer als daeir nu op is off naemaels op getijmert
zall werden gelegen in t Goeij dair die paeplicke proven int Goeij oetsweirt mijt eenre hoffstede ende westwert den
heerwech bij den huijse van den Goeij zuijtwirt die heerstrate ende noortwert die kercek van den Goeij mijt eenre hoffstede
naest gelegen zijn jaerlicx om ander halven ouden vrancrijcxw schilden goett van goude en[de] voll van gewichte off die werde dair
voir in anderen goeden paijmente alzoe die ghemeen eclesy van Utrecht nemen zall van haren pachters in elkentijtt
der betalinghe te betalen jaerlicx t Utrecht bijnne onser montaden ons ofte onsen camraers inder tijtt van desen
goede op sinte mertens dach in den wijnter off bijnne[n] eenre maent dair nae onbegrepen naestcomen[de] ende alsoe
voirt van jare tott jaire erfflick ende ewelick sonder enigerhande affcortinghe ofte vermindringhe ons pachts voirsz[egd]
mit sulcke voirwaerden dat Goeijert voirsz[egd] noch zijn erfname ende nacomelingen nijet en sullen noch en moghen
vercopen versetten versellen noch en wech geven dese voirsz[egde] hoffstede mitter stenen camer ende brieff ten zij
bij onsen openbare wille en[de] consent ende dat nae dode Goeijert voirsz[egd[ een zijn oudste naeste wittige erffnaem bijnne[n]
jaers comen sall voir ons in onsen capittelhuise ende versoecken desen selven erffpacht van ons mijt een paer witten
handtschoen nemende en[de] gevende nijewe brieven in allen voirwaerden ende manie[re]n als desen tegenwoordighe brieff
begrpen heeft ende dat alsoe me[]uchwerve alst verhandelt zall werden oick zijnt vorwaerden wairt zakeni st[ads]br[eif]
dat ons Goeijert off zijne erffname[n] voirsz[egd] jaerlicx onse voirsz[egde] pacht opten voirsz[egde] termijn nijet voll ende all en betaelden jome
oft enich van den andere puncten oft vorwairden in desen brieff begrepen braken oft nijet en hielden soo vielen zij daer
aff van allen recht ende toeseggen dat zij aen de voirsz[egde] hoffsteden enden camer hadden ende sdie selve hoffstede quame
dan vrij ledich ende loss weder aen ons en[de] ons kerck voirsz[egd] onsen vrijen willedair mede te doen sonder Goeijerts ofte
zijne erffnamen ofte ijemandts wedersege[n] alsoe verre als wij dat dan weder aen ons neme[n] woude[n] ende anders
nijet behoutlick ons nochtans alle ons versetens pachts diemen ons dan schuldich wair all dunck sonder argelist
in oirkonde sbrieffs besegelt mit ons capittels secreet zegell int jaer ons he[re]n duijsent vijffhondert ende sestien
opten vierden dach in junio in ke[n]nisse der waerheijt hebbe ick Goeijert Luijtgenssz voirsz[egde] gebeden Wouter Luijt
Luijtgenssz mijn broeder desen brieff over mij te willen besegelen dat ick Wouter luijtgenssz ter bede van Goeijert Luijt
genssz mijne[n] broeder geern gedaen hebbe ende hebben mijn zegell aen desen brieff gehangen gegven int jaer ons he[r]en ende
opten daghe voirsch[reven] | 