Wij burgem[eeste]ren schepenen ende reguerdes
der stede Nieuwenieudorp sampt weesm[eeste]ren
aldaer doen condt ende te weeten mitsdeesen dat
wij in onsen naeme gheconstitueert ende volmach
tich ghemaeckt hebben zoe wij volmachtich maecken
mitsdeesen Cornelis Reijersz Oom mede burgerm[eeste]r
onser stede ende Sijvert Jansoon weesm[eerste]r
mitsgaders Cornelis Janssz Hogheboom onser stede
secretaris toonders van desen omme in haer
ende ons allername te trecken in 's Gravenhage
ende aldaer te compareeren voor commiss bij den
hooghe rade in Hollandt daer toe gheordonneert op
en jegens Jan Aeriansz van Alckmaer ende
Wouter Dircksz van Nieuwenieudorp ende die
saecke van wegen den weeshuijse van Niuewenieudorp
jegen de versz[egde] persoonen uuijtstaende te beschudden ende
verantwoorden t zij recht ende sententie diffinitieff
daer inne te versoecken ofte anders d selve
te veraccordeeren zoe haeren goeden raet ghedraghen
zal ende zij te rade van den zullen vorder alles
inder saecke ende wat daer aencleeft te doen
ende bevorderen tgeen wij alom zelff present ende
voor ooghen weesen zouden commen ende moghen
doen gheloven mitsdeesen alle t zelve voor goet
vast ende waerden te houden enede doen houden
aloft zelve bij ons te samen zelff ghedaen waere
zonder bedroch t ourcon[de] desen bij eenijge van ons uuijt aller
naem ghet[ekend] met onser steden segule opgedruckt den
2en julij 1614
Jacob Pietersz Kooman Cornelis Cornelisz | 