Wij Rijcker van Vollenhove schout van Nieudorper
cogge Jan Jansz Wit ende Sijmon Gerritsz schepenen
der stede Nieuwenieudorp doen condt certificeeren
mitsdeesen voor de rechte waerheijt dat huijden date
deses voor ons ghecompareert zijn de eersamen
Jan Pietersz Koeman oudt omtrent LXIIIJ jaeren Jacob
Garbrantsz Timmerman oudt omtrent LXIJ jaeren
ende Arent Gijsbertsz oudt omtrent LIJ jaeren
alle mede porteren tot Nieuwenieudorp versocht weesende
die waerheijt ghetuijchnisse te geheven van weghen Corn[elis]
Janssz Fecke ende hbben gheseijt ghetuijcht ende
verclaert bij eede als uuijt eenen monde waer te
zijn ende haer ghetuijge wel bekent dat d selve
Corn[elis] Jansz Fecke noch is vrijer gesel ende onghetrout
oock dat den selven is van soberen staet ende altijt
ghewoont heeft en noch jegenwoordich woont bij zijn
moeder ende zuster ende dat d selve t sedert dat
d cappelrije van heer Sijmon Willemsz aen hem gegeven is
gheweest selff altijt ghepossideert ofte beseten heeft
het ronde ackertgen leggende binnen paedt een gedeelte
van de zelve cappelrije ende dat zij die bruijck waer
ende huere vandien altijt selff ghenoten hebben niet
jegenstaende het weeshuijs van Nieudorp tt best
van de andere landen van de zelve cappelrije heeft ghehat ^
verclaer[den] Jan Pietersz ende Jacob Garbrantsen
verclaerende vorders ^waer te zijn ende haer ghetuijgen wel
bekent dat Corn[elis] Janssz Fecke noch jonck ende beneden
zijn jaeren was als t voorsz[egde] weeshuijs aende andere landen
gheraecte als zij ghetuijgen alles verclaerden die waerheijt
te zijn ^verclaerende voor redenen van wetenschap dat zij altijt
ende tot noch toe buierluijcen van de zelve Fecke ende zijn moeder
zijn gheweest als zij verclaeren den 7en junij 1616
bij mij Jan Janse wit
bij mij Sijmon Gerritsz | 