Alsoe neffen d goede hoop dat wij tegencopia
Jan Aeriansz Cramer zullen moghen
trumpheeren zoo den e[elen] hoven d saecke
recht betrachten wij oock eenichsins
beducht zijn mits verschijden samen enen ons
voor comen dat Jan Aeriansz d saecke zal
winnen namelijck daer inne
dat d saecke mochte ghevaet worden onder
d possessie van t weeshuijs d natuier
van de fondatie te vreemt te zijn mitsdien
geen persoon tot vicarius ofte collataris daer
inne is hoe wel wij ons ogen merck
houden op Corn[elis] Janssz Fecke
ghelieven den e[delen] procur[eur] ende advocaet eens
in communicatie te leggen off wij geen
ander regijster noch mogen trecken tot
ons behelp
ende off wij niet en soude moghen d saecke
te rugge trecken ende ons beroepen opte
sententie vande e[delen] mo[gende] heeren gehecommitteerde
raden dissmisivelijck ende solemnelick tusschen
perthijen uuijt gesprocken de wijle d selve arrest is
ende met haer e[delen] authoriteijt t zij bij haer
te schrijven off anders sins d saecke doen
op houden t onsen voordele
ons behoeft goeden ende den besten raet
om redenen