ick Dirck Jansz Keuck meder poorter tot Nieuwenieudorp
kenne mitsdesen wel ende wettelijcken ghehuurt ende
in huerwaer genomen te hebben van Jan Sijmonsz
Glaesmaecker ende Pieter Dirckxz Hoochsaet als
weesm[eeste]ren ende regenten vanden armen weeshuijse
der voors[zegde] stede een stuck landts groot omtrent
seven geersen leggende inden banne van Nieuwe
Nieudorp boven paedt gen[aam]t t cappelrij landt
bij den hoop zonder maet stooten mette voet te
ghebruijcken desen loopenden jaere van XVJ^c
ende dertien voor een somma van ses ende tachtuch
k[aroli] gul[de] van XL groo[te]n vl[aa]ms t stick te betaelen
karstijt anno present naestcomende soe dat
ick mitsdeesen belove voor mij ende mijnen erven
die voorn[oemde] huere deuchdelijck costeloos ende schadeloos
te betaelen aenden armen weeshuijse ofte
weesm[eeste]ren indertijt^karstijt naestcomende zonder aff
breck off eenighe cortinghe daer aen te mogen
doen stelle daer voor ten onderpande
mijn persoon ende alle mijne goede[re]n roerende ende
onroerende present ende toecomende gheen van dien ter
werelt uuijtgesondert submitteere die en die
keure van dien tot bedwanck en executie hooffs
vanHollandt ende ander alsulck recht rechters
ende executie als houder deses dat ghelieft zonder
bedroch toirconde desen onderteijckent den XVIJ^en

martij anno XVJ^c ende dertien t kennisse van mij
secret[aris] Dirck Janssesn Knol
                                                       1613
                                           C Janssz Hogheboom not[ari]^s