Wij Rijckert van Vollenhove schout van Nieudorpercogge
Jan Sijverts ende Claes Pietersz schepenen der stede
Nieudorp doen condt ende certificeeren bij desen dat
op huijden dat deses voor ons ghecompareert zijn
den eersaemen ende wel bedaechden Jan Sijmonsz onsen
stede bode oudt omtrent LXXJ jaeren ende Neel
Claes dochter mede buerwijff tot Nieuweniedorp mede
oudt omtrent LXXJ jaeren beijde luijden van goeden gheloove
ende haer memorien ende verstant wel hebbende versocht ende
ghedaecht weesende ter instantie van Sijvert Janssz ende
Jan Pietersz Koeman regenten van t arme weeshuijs tot
Nieuwenieudorp ende hebben gheseijt ghetuijcht ende verclaert
d voors[chreven] Jan Sijmonsz onder eede int stuck van zijn offitie
ghedaen ende Neel Claes dochter bij eer en eede waer
te zijn dat zij ghetuijgen zijn een broeders soon ende
een suster dochter van wijlen heer ^{wijlen heer} Jacob Jacobsz in

+ inde kercke tot
Nieuwenijeudorp
op den outaer vande
s[in]te Sijmon ende Juda
gheweest is
haeren oom en

zijn leven prieste tot Nieuwenieudorp ende vicaris ofte
cappellaer van de vicarie ghesticht inde kercke van
Nieuwenieudorp bij wijlen heer Sijmon Willemsz + dat oock
zij Neel Claes dochter verscheijden lange jaeren geheleden
zeecker jaere ghewoont heeft^{en gezien} metten voorn[oemde] heer Jacob
Jacobsz haeren oom ghewoont heeft dat zij^getuijgen uuijt dien
ende uuijt d verclaringe vande voors[chreven] haeren oom ende
oock t verhael ende verclaringe van haere ouders
wel weeten ende mitsdesen verclaeren waer te zijn dat
dat den selven heer Jacob d selve cappelrije heeft
ghehat ende beszeten over die viertich jaeren ende
zoe zij vorder wel meenen wel vijftich jaeren ofte
daer over ende dat haere moeders en d voors[chreven] haere
oom te dien ^{in voorgaenden} tijde dickwils verhaelt ende verclaert
hebben dat wijlen Corn[elis] Jansz Molenaer nae die doot van
eenen Groote Reijer van Heeringhuijsen waere die outste
ende naeste van den bloede ende gheslachte van heer Sijmon
Willemsz d fundateur vande vers[chreven] cappelrije ende dat
d vers[chreven] heer Sijmon Willemsz was oudt oom van Corn[elis]
Janssz Molenaer, Jan Sijmonsz verclaerde boven dien waer te
zijn dat zijn sa[liger] moeder dickwils vertelt ende verhaelt heeft dat
den zelven heer Sijmon Willemsz zijns ghetegen vaders moeder
hadde op gevoet ende groot ghemaeckt den 17^e mart
Aprili 1615