heer secretaris voor antwoorde op
uwe missive dijent dat van noden weesen sall dat
Corn[elis] Jansz Feecke andermaelen coeme alhijer inden
Haeghe omme te vervolgen de req[ueste] bij hem ge[]p senten[tie]
omme te hebben acten ende procur[atie] die hem dijenen
daer van ick de redenen int lange verhaelt
hebbe aende manne die uwen brijeff mij hebben
behandicht ende sulx onnodich wesen sall de
zelve alhijer weder te verhaelen wij hebben
van redenen op versoeck van Corn[elis] Jansz omme
gedijent te worden ijet willen seggen nijet door
weijgeringe van hem te dijenen want sijne saecke
all gereet is omme onder t hoff te leverenen
maer omme de grondt vande rade eenichsints te
moghen ondersoecken off de senten[tie] tegens de
armen weesen geweten ons mede soude verobsteren
twelck alrede sulx schijntt verstaen te sijn daeromme
laet Corn[elis] hoe eerder hoe lijever over coemen
omme naerder bescheijt op sijne req[ues]^te te moghen
becoemen ende sullen alsdan off voorden hoghen raet
voortgaen off voorden hove van Hollandt in cas petitoir
coemen sulx als best alsdan bevonden sall worden
ende desen hijer mede besluijtten heer secret[ari]s
sall u l den alingende bevelen uuijtten Haeghe
desen XXJ^en octob[er] XVJ^c sesthijen
                                u l
                                 dienstwillighe
                               H van Persijn
 

eersaeme voorsijenighe
zeer descrete Corn[elis]
Jansz Hogeboom
secret[ari]s van

      NijewNijerop

p amijs