I

IJ^c XL

n den naeme ons heeren amen wij Pieter Jansz de
Jonge schoudt Oetger Dircxs ende Baert Claesz
schepenen tot Assendelft doe condt allen luijden
dat voor ons gecomen ende gecompareert is Abraham
Claesz onsse buijer vrijer cloeck ende gesonde in
gaende ende staende lijve zijn redene memorie
verstandt ende vIjff sinnen wel machtich ende
volcomelijck gebruijckende soet uuijtwendelijck
ende verclaerde zijnen testament ende uuijterste
wille gemaect ende geordonneert te hebben maecten
ende ordonneerden midsdezen dat oft gebueren dat
hij testateur quam te sterven sonder kindt oft
kinderen achter te laeten dat hij in sulcken gevalle
geinstitueert heeft ende institueerde midsdezen
tot zijnen universale erffgename zijnen aende
ende haer beminde moedeb Swaentgen weduwe wijlen
Nicolaes Aertnsz in zijn leven predicant te
Assendelft in alle die goeden dien hij mitter
doot ontruijmmen ende achter laeten zal om
seeckere oorsake hem testateur daer toe
moverende alle t welck hij testateur verclaerde
te weesen zijnen testament ende uuijterste wille
die zij wilde alsulcx ofte als codicille
ofte andersins zulcx een sinenschen[?] uijterste
wille best volstaen mach stadt te zullen grijpen
versoeckende hun hier van in alle letere forma een
ofte meer instrument gemaect ende gelevert
te werden t oorconde sal hebbe ick schout voorsz[egd]
desen brieff in tegenwoordich van de voorsz[egde] schepen
die desen midts zij zelver geen seegel en gebruijcken
onderteijckent hebben te versoecke van haer
comperant beseegelt mit mijn[en] zeegel hijer beneden
aengehangen den XXVIJ^e dach in marte anno XV^c
twee ende tnegentich

     Ootgher Dircks        en bij mij Baert Claesz