Opten eersten dach februarius anno XV^c LIIIJ soe is ghecomen
Gerit Oijtsz als foecht van Barber Claes Herincs kijnt
met die naeste vrienden als Iacop Geritsz ende Gerit
Cornelisz ende hebben begeert dat w[ees]m[eeste]rs dit kijnt
int weesboeck soude setten ende wij weesmeesters
hebben dit vers[chreven] kijnt int weesboeck om ghenomen
voor scepenen Cornelis Iacopsz met sijn goeden

solviit
in handen
van Corn[elis]
Reijers

hier nae ghescreven inden eersten wijstich gul
heeft Iacob Gerits op renten daer of hij sal
geven IIJ gul[den] siaers ende voerscijnt in die twa[a]lfsnach[t]
 

solviit
in handen
van Corn[elis]
Reijers

noch Gerit Cornelisz heeft op renten vijgitch gul[den] daer
of hij sal geven IIJ g[u]l[den] siaers ende verscijnt
alle iaers in die twalefnachte

noch comt dit ver[schreven] kijnt van Reijer Ians erfgename
wonende te Hoochwout hondert gul[den] daer of
alle iaers in die twalefnachten

opten XX^en dach marsius anno XV^c LIIJ hij soe sijn voergadert
gheweest ten huijse van Neel jonge Claes, Reijer Jans,
Gerit Oijtsz, jonge Jacob, Wouter Woutersz, Herm Claesz
ende Iacob Gerits hebben een compesijsij gemaect
tusken Reijer Iansz ende Gerit Oijtsz als voecht vant
kijnt voers[chreven] seven iaer lanck ende Reijer Ians sal
dat kijnt te baet comen iaerlick IIIJ g[l V st[uivers]
ende sterft Reijer Iansz bijnnen die seven iaren soe
sal dat kijnt hebben vijftich gul[den] uit Reijer Ians
goet ende wanneer Reijer Ians kijnderen die vijftich
gul[den] op leggen soe sijn sij vrij van die IIIJ g[l V st[uivers]
ende als die seven iaer voerlopen sijn soe sal dat
kijnt vijftich gul[den] hebben of IIJ gul[den] iaerlicks daer
voeren ende of dat kijnt oflijvich vorde soe sal
die vijftich gul[den] weder gaen daer sij van gecomen
is ende soe sal die goede[re]n van sijn moeder hijer blijven
 

                            XI
Op huijden den XXIJ^en octobris XV^c twee ende tsestich soe heeft
Gerit Oijtsz als voocht van Barber Claes Haerincx kijnt t welck
zij bij Reijer Iansz van Hoochtwoud ghewonen heeft in presentie
van naeste vrienden van t voirs[chreven] kijnt sijne rekenschap ghedaen
vande ontfangen ende uuijtgheven van tijt hij voocht van t voors[chreven] kijnt
gheweest is ende het kijnt is in desen vers[chreven] rekenschap te vordel
XXIJ g[u]l[den] berustende onder Gherijt Cornelis Sijbrants gheschiet in
presentie van Heertgen Aerians ende Claes Claesz weesm[eeste]rs ende
Cornelis Michielsz schepen[en]
 

solviit
in handen
van Corn[elis]
Reijers

Gherijt Cornelis Sijbrantsz bekent voir hem ende sijnen erffven
Barber Claes Haerincx kijnt voirn[oemd] schuldich te wesen twee ende
t seventich karolus guldens t stuck tot veertich groten vlaems gerekent
blijckende bij t gundt hier vooren ghescreven staet te weten vijftich
gulden aenden ander zijde van dit bladt hier voeren en twe
ende twintich gulden hier boven welcke penningen hij sal houden
op renten om IIIJ gulden VIS stuiver siaers verschijenende alle iaeren
inden twaleff nachten daer voeren de voirn[oemde] Gherijt Cornelisz
stelde tot eenen onderpande anderhalff gers weijdlants leggende
achter huijs daer nuter tijt bewoont anden Langereijs daer
nutertijt naeste lendens van sijn Michiel Iansz anden oestsijde
ende Cornelis Cornelisz aenden westsijde ghe ende voorts qualicken
alle sijnen anderen goede[re]n roerende ende onroerende present ende toecomende
gheen uuijtgesondert gheschiet op jaer ende dach als voiren
ende in presentie vande weesm[eeste]rs ende schepen als boven

Jan Pietersz Alias Wit als voocht van Lijsbet Aerians dochter
naeghelaten wedue van Jacob Gheerijtsz zaliger gedachten ende Jan
Lambertsz als voocht van Jacob Gherijtsz vers[chreven] kijnderne stellen
tot eenen onderpande voor den vijfich guldne hier voeren inden
andersijde van dit bladt ghementioneert twee geersen groedlants
den voirn[oemde] wedue met haer kijnderne te samen competerende leggende aenden
Langhereijs daer nu tertijt naeste lendens vande sijde Cornelis
Cornelisz aende oestsijde ende de wedue van Maerten Aeriansz
met haer kijnderen aenden westsijde gheschiet op iaer ende dach
ende in presenite vande weesmeesters ende schepenen als boven