wij Cornelis Jansz ende Claes Willemsz schepenen
in Barsingerhorn wesende orconen ende keure dat voir
ons gecomen is Reijer Willemsz eene poorter tot
Harinchuijssen kennen ende bele[de] voir hem ende sijnen erven
schuldich te wesen eenen Riens Siemoensz ende Reier
Pietersz als voechden van Cornelis Wijertsz drie outste
kinderen die hij geteelt heft bij Katrij Rens dochter
de zom[m]a van vijff ende viftich carolij guldens ende
dese voirs[chreven] penningen sijnde van willecuert opt
LXX^e int jaer acht ende t zeventich kars dach
tot middach toe ende dat op conicie te weten
van die drie kinderen vers[chreven] soe sal een ijder aen daerde
paert van vijff gulden of starve ende blijven sij alle
int leven over t jaer ende dach vers[chreven] soe sullen die vers[chreven]
voechden dese vers[chreven vijf ende viftich gulden moegen inen ende
minnen of die minen ende winnen als van willecuert
gelt ende dat op die gerste gracht lants leggende
in Reier Willems fen leggende in de banne van
Barsingerhorn daer lenden van sijn Jaep Gerijts aent nort
ende Jan Ijsbrants ant zuijdt
ende tot meerder vasticheit soe is Wigger Peterss
voir ons schepenen vers[chreven] gecooomen ende heft hem geconstitueert
ende gestelt als boch ende principael voir dese voorsz[chreven]
suma van penningen