a[nn]^o [15]75

Wij Dirick Michielssz ende Gherijt Florijssz schepenen
nuter tijt in Barsingerhorn wesende ende commen ende
kennen dat voir ons gecoomen is Reijer Willemsz
eenen poorter van Harinchuijsse kennen ende bekenen van
hem ende sijnen erven schuldich te wesen ende ontfangen
te hebben wat handen van Rens Siemonssz ende Reijer
Pieterssz als voechden van Cornelis Wijerts alder drie
ouste kindere die hij beteelt heeft bij Katrijn Rensses
dochter die somma van t sestich carolij guldens hooft
gelt uuijt de rente ende drufte voirs[chreven] penning[en] sijnen vaet
willecuert opte leggen int jaer ses ende t seventich de
XI^e dach februarius tot vrij rounsen[?] toe ende dat op conditie ist
dat zaecke dat daer een van dese voors[chreven] kindere
starven ofte oflijvige woerden binnen t jaers ende den
dath^{ende uren} vers[chreven] so[mm]^e sal altijt eene ijegelicken van hem tot
haer drien tot altijt ene rechte darde paert of
starven ende starven alle te saemen soe sal Reier
Willemsz vrij ende quijt wesen vanden voirs[chreven] somma
van penningen ende ist dat zaecke dat onse voirs[chreven]
kinderen int leven blijven soo omme t jaer ende den dach
vers[chreven] soe sal als dan die voors[chreven] voechen deese voors[chreven] penningen
morgen innen ende winnen of den innen en winnen als
willecuer ende maexel ende dat op drie geerse graes
lants leggende in Reier Willems fen leggende inden banne
van Barsingerhorn dat nutertijt kende van sijn Jacop Ghertsz
an die noort sijde ende Jan Ijsbrants an die zuijdt sijde
ende tot meerder vasticheit soe is Wigger Pietersz voir
ons schepenen gecoemen ende heft hem geconstitueert
ende gestelt als borch ende principael voor deese voirs[chreven]
somma van penningen