Alle den ghene die desen brieff zullen sien off hoere lesen doe ick Willem Paeu Eersens dat ick voir mij en mijn erve en
nacomelinge ghehuert emde in pacht genome hebbe van den eerweerdige ende vrome heren Steven van Suijlen van Neijvelt
lantcomenduer de baleij van Utrecht duijtsche orders acht merge lands alzoe groet ende cleijn als die gelegen sij int
Goeij ende den selve lantcomenduers en sijne comite van Utrecht bij dode meijster Sijmosz van Sraenhons aengecomen sijn en
bestorve tien jaren lanck aen een dueren ingaend op Sint Petrus dach ad cathedram naestomende dit jairen om seven
oude schilde vijffendertich stuve __et __che gelts vanden ouden scilt gerekent in elcken tijt der betalinge the betalen
jaerlix die ene helfte van dne voirscre[ven] gelde op Sinte Martijns dach inden wijnter naestcomen[de] ende de ander helfte op sinte
petes dach ad cathedram daer naestvolgende of bijne veertijndagen nae elcken termijn onbegrepen ende alsoe vant jaerlix
van termijn tot toermijn dee voirscr[ev]en tijn jaere lanck deuren[de] vant stell ick off mij errnaeme gebreeck mijne der voirscr[ev]en
lant bewaer als goede huerlude sculdich sijn te doen met vorwaerden waert saeck dat ick off mij erve ende nacomelingen
voirscr[ev]en den voirg[oemd]en pacht jairlicx opte voirscr[ev]en termijne nijet en betaelden als voirscr[ev]en is soe soude ick off mij erven ende
nacomeling daer dese versumenisse bij gesconden vervallen wesen van desen huerweer ende pachtinge ende van allen
rechte ende toeseggen dir wij da___en tot dien date toe gehadt mochte heggen inde soe mach die lantcomenduer
inder tijt der voirscr[ev]en lant vrij weder aen here neme en sijne vrijen wille dair mede doen tottes ordens behoeff
onbe_eent van mij off mijne erve ende nacoemelinge daer dese versuu_isse bij gesreden ende nochtans the hebben alle
sijn verschene onder onbetaelde pachten alle dr_ck sonder argelist inkenisse der waerheit hebbe ick gebeden en
bedde den eersame Willem van Ass schout sinte Marie t Utrecht desen brieff over mij en mijne erve ende nacomelinge
mit sijne segell the stellen besegelen want ick op dese tijt selve geen segell en hebbe dat ick Willem van Ass voirscc[ev]en
ther beden wel vanden voirscr[ev]en Willem Paeu Eerstensz geeven hebbe gedaen ende mijne seggel aen desen brieff gehange
int jair ond heren duijsent vhijfhondert ende een opten achtiende dach in februarie | 