Ick Eerst Paeus Willemsz lie ende kenne dat ick voir mij en mijnen erffge =ven gehuurt end in pacht ontfange
eirweerdighen en vroemen heren heren Steven van Zuijlen van Neijvelt lantcomend[eu]r
der balijen van Utrecht duijtsches ordens gehiert en in pacht genoeme hebben soeven
margen lants alsoe groet ende kleijn als die gelegen sij intGoij gelijck Willem
Eersten mijn vaeder die in die voirgaen[de] jaeren te bruijcken plach die ten duijtsz
huijs der kercken toebehoeren tijen jair lanck om een durende ingaende petri
ad cathedram anno XV ende tweentwijntijch des jaeirs om soevenenhalven
golden gulden van gewijcht of die rechte weerde dan voir inder tijtd der
betaelinge vrij gelt van all dat dair van come mach wijtgescheiden open
waijen open oirloghe en groet margen gelt dat bij den here van den lande
ende den drijen staten uijtgesatt sall worden dan salmen mij inne doen alfore
boven en beneden doet te betaelen die ene helfft Martini in den wijnter naistcomen[de]
en dander heff petri ad cathedram dair naest volgen[de] off bijnnen viertijendaege
naes elcken termijn onbegrepen en alsoe voirt jairlicx van termijn tot termijn
dese voorsz[egde] tijen jairlanck duerende ende dit voorsz[egde] lante sal ick Eerst
bewae[re]n als een goet pachter en huerman schuldich is te doen mit vooirwaerde
wairt saick dat ick Eerst voorscr[e]ver off mijn erven desen voorscr[e]ver pacht nijet
en betaelden en die ander voirwairde nijet en heijlde noch voildede als voirsz[egd] staett
soe sall ick Eerst voorsch[reven] off mijn erven dair die versuimenijsse bij geschied
vervallen wesen van deser hueren en van allen rechten en toeseggen dat
ick tot dien daeghe toe dair an gehate mocht hebben soe ver die
lantcomand[eu]r dat weder an hem neme will ende anders nijet ende soe
mach die lantcomand[eu]r inder tijte off sijn naecomelingen dit voorscr[e]ver lante
tot sijns orders behoeff onberroert van bij off mijne erven en nochtans hem
te betaelen alle sijne verschreve en onbetaelden pacht alle dijnck sonder
argelijst in kennijsse der wairheit ende wair ick Eerst voorsch[reven] selver geen
segell en hebb soe hebb ick gebeden den eerbaeren Tonijs Eerste mijne
ohem desen brieff over mij te willen besegellen twelck ick Tonijs
eersten voorsch[reven] gerne gedaen hebb en hebb mijnen segell ter bede en over
Eerst Willemsz mijnen neven voorsch[reven] an desen brieff gehangen gegeven
int jair ons heren dijsent vijffhondert en tweeentwintijch opt negenden
dach in aprijll | 