Ic Belije, Peter Jansz weduwe lije en kenne dat ick van den eirwerdighen end vroemen her[e] her[e] Steven van
Suijlens van Nijevelt lantcomenduer der balijen van Utrecht duijtsches oirdes gehuert ende in pacht hebbe
derthijen margen lantz gelegen tot Schalckwijck soe groit en cleijn als eck dije hijr te vo[r]ens van der oirden
gebruijckt hebbe twijntijch jair lanck an een durende ingaende op Sinte Petrus dach ad cathedram anno
XV end eenetwijntijch des jairs oms sesthien muijdt wijtz goet copmans guet op ene noempstert[?] nae
den beesten ende twaelff goede pacht honre vrij int duijtschen huijs opten sulce te leven wijtgescheiden apen
waelen apen oirloghe end her[e] schattinge vije bij den _ij___ _en staenn wuijtgesath wurde daer salve mij off
mijne naecomelingen inne doen alsme boven en beneden det te betaelen dije ene helfte vanden weijt en
all dij hoenre Martini in den wijnter neijtcomen ende dije ander helft van den weijt Petrie ad cathedr[am] dan
naestvolgende off bijnnen ene maent nae elcken termijn onbegrepe ende alzoe oirt jaerlix van termijn tot termijn
dese voersz[egde] twijntiijn jair lanck durende mijt zulck voirwarden dat indien ick Belije voirsz[egd] deze twijntijch
jaer afflijvich worde soe sall Hubert Derijcksz mijn brueder off Gerbrank Zijme soe sal ene van zijne kijnderen
in mijn stede staen soe lange des deze twijntijch jaer thuen huren ontbine sijn t ende dijt voirsc[reven] lant sal 1ck
Belije voirsz[egd] en mij naecomelingen bewaen als goede pachters ind huijrluijde schuldich zijn te doen mijt voir-
warden waert saeke dat ick Belije voirsz[egd] off mij naecomelingen voergen[oemd] desen voirsz[egde] pacht nijet en betaelden ind
dije ander voirwarden nijet en hijlden noch voildeden als voors[chreven] staet zoe soude ick en mij naecoemelingen
voirgen[eomd] dair dije versuimenijsse bij geschieden vervallen wezen van deze hu[r]en en van allen rechten en toeseggen
dat ick tot dezen daeche toe dair an gehatd mocht hebben soe vere dije lantcomanduer vurscr[even] dat weder
an hem nemen will end anders nuijt ende zoe mach dij voergen[oemde] lantcomanduer off zijn naecomelinge
inder tijtd dijt voirscr[even] lant end hu[r]er vrij weder an hem neme ende zijne vrijen will dair mede
doen tot zijns oirdens behoeff onberoert van mij off mijnen naecomelinge voirsz[egd] ende nochtantz hem
te betaelen alle zijnen vershcenen en onbetaelden pachten alle dijnck zonder argelijst in kennijsse
der wairheit ende want ick Belije voirsz[egd]b geen zegell en hebbe soe hebbe ick gebeden den
Eirzemen Tonijs Eersten dat hije dezen brieff over mij bezegelen wolde twelck ick Tonijs
voirscr[even] gerne gedaen hebb en hebbe mijne segell over Belije voirsz[egd] an dezen brieff gehangen
begin int jair ons her[e] duijsent vijffhondert twijntich opten vijfftijenden dach van november Schalkwijk
Belij Pit[ers] Jansz weduwe S
ingehuertXIIJ meerten a[nn]o
duijsent Ve XXI
Schalkwijck
Hubert Dierksz | 