Ick evert van Schonevelt lie ende kenne dat ick voir mij en mijne erffgen[amen] euw
here Wolther van Amstell van Mijnden Lantcomanduer der balijen van Utrecht duijtsches ordens
hebbe vier marge lants gelegen int vuelcoopp int gerichte van Schonouwe int kerspell
boven reguliers t Utrecht benede ick selver aen die ene ziet Jelij Willemsz ende on dander
Wijcker waterijnge sees jair lanck an een gedurende ingaende petrij ad cathedram anno
des jairs den hoopp staene om sees gouden Vranckrijcke schilden als die ecclesie van Utrecht jairlicx met[er] tiet doe
betaelinghe van Hoeren pachters vorende is ende twee capoenen twee hoonre ende een viredell pont peppers etc[etr]a
betaele jairlicx ende alle jair bisund[er] eie en eheelffte van den gelden met die cappoen[en] die hoonre ende peppers voirsz[egd]
martinij inden wijnter ende dander helffte vanden gelde petrj ad cathadram dair naiscomen[de] off binnen verthien
daeghe nae elcke t[er]mijn onbegrepe ende alsoe voirt jairlicx van t[er]mijn tot t[er]mijn dese voirs[zegde] sees jairlanck
achther een gedurende vrij gelt van allen onrant ende ongelden tse van dijcken van dammen van sluijsen
van waetergang van margen gelt van bruggen van beeden van schattingen ende ander wijthsettinghe
nijet wuijtgesondert dat op ten voirsz[egde] lande comen off geseten mach warden hoe dat oick genoempt mach
worden mergviert datter woorden ape waijen off apen oirloghe soe datmen dit voirsz[egde] lant nuijt
gebruijcken noch besiegen en mochte soe salmen hem dair inne doen als men boive ende bende doit
ende dit voirsz[egde] landt sall^ick Evert voirsz[egd] ende mij[n] erve bewa[r]en ende ondhoude als en goit pachter
ende huerman schuldich is van doen ende sall dit landt weijden ende in gheene vreemde hant verbregt
noch verpachte buijten consent des lantcomanduers inder tiet mijt voirwairden wair t saicke dat ick Evert
voirsz[egd] desen voirgen[oemde] pacht jairlicx nijet en betailde noch die ande[re] voirswairde nijt en hulde noch
voildeden als voirgeschreve[n] staen soe sall ick Evert voirsz[egd] off mij[n] erve dair die versumenijsse bij
geschieden vervalle wesen van dese huren ende voirt van llen rechten ende toesegge dat ick dot den
daeghe toe dair an gehaet mocht t hebben soe vere als die lantcomman[deur] dat wed[er] an hem nemen
will ende anders^nijet ende soo mach die lantcomman[deur] me[ter]tiet dit voirsz[egde] landt en[de] dese huer vrij weder
an hem neme[n] ende sijne vrijen wille dair mede doen tot sijns orders brijeff onbenoemt va[n] mij off mijne[r]
erffgen[amen] ende nochtans te betaelen alle sine[n] verschene[n] ende onbetaelde pacht alle dunck sonder argelist
in kennijsse d[er] wairheit ende want ick Evert voirsz[egd] op dese tiet selve gheen segell en hebbe soo hebbe ick gebende
den eersaeme Wolther Luijtgens schout to[t] Houten om desen brieff over mij te wille besegele[n] t welck ick Wolther
schout voirsz[egd] te bede Evert voir[en] gen[oemd] g[er]ne gedaen hebb ende heb mijne segell over Evert voirsz[eg]d an desen brieff
geha[n]gen zegene int jair ons here Duijsent vijffhondert negene[n]twintich opte vierden dach aprils