pachtbrieff van die WijtJan de Wijt Janssz van t selffde de data XV^c XXXV

Ick Jan die Wijt Jansz doe kondt allen luijden dat ick voir mij van den eerwaerdige en vroome
heere Wolther van Aemstell va[n] Mijnde lantcomandeur der balijen van[n] Utrecht Duijtsch Oirders
in huir end[e] pacht ontfange heb negendenhalve merge lants en[de] vier merge lants soe groot en[de] cleijn
als die gelegen sijn in die parochie van[de] Houthen in keij[zerlijk]^e ma[jestei]^t ger[echt]en dair bove[n] die anderhalff m[o]rg[en]
Dierk va[n] Oisten en beneden die brouder van oudtwijck naist gelant sijn en die seeven morgen
lants dair is boven naist gelegen die broeder van Oudtwijck voirsz[egd] en bnenden Jan van Oistrums
erffgen[amen] ende van die vier merge lants voirs[zegd] is boven naist gelege Dirck Egbertsz en[de] beneden
die kerck van Houthen end[e] aen dat een eijndt die wulffsche steeghe en[de] aen dat ander eijndt die
goijer weteringhe sess jairs lanck aen een geduren[de] ingaen[de] petri ad cathedra[m] a[nn]^o vijftien hondert
vijffendertich des jairs om twaelff mud weijdt goet coopmans goet op een grootge neu[?] den
cloobosten[?] en[de] vier enke[?] oudt sall off ander goet paijment gelijcks leveren dair voren in tijt
der betalinghe en[de] dair toe drie pondt goede pepers jairliq vrijs gelt te goede en[de] drie weijt
vrij the levere[n] then Duijtschenhuise t Utrecht opte selre sonder eenigirhande affcortinge va[n] nije__
off van alde olde wercken van dijcken van banne[n] van sluijse[n] van watergange[n] va[n] heerenbeede van
huijsgelden va[n] scattinge[n] end[e] va[n] alles opt voirsz[egde] lant come[n] off opgeset mach werden oick oft geniete
dair godt voiusie[?] dat due regente die keij[eze]^r ma[jestei]t mit die drie staten eenige penninge uuijtsetten en[de] kennelick
die lantheer sijn aendeel dair mede aff the moete golden het sij groot off cleijn oick niet uuijtghe
sondert dan alleenlick wairt saick daet voirwaiden ope[n] oirloge[n] ope[n] wede soo datmen voirg[enoemde]
lant niet gebruijcken en[de] mochte soo selve mij Jan voirsz[egd] inne doen alsmede bove[n] en[de] beneden doet
the betalen jairlicx deesz voirsz[egde] pacht mitte peper op allen sinte maertens dage in den wijnter
off bijnne vierthiendage dair nae omberepe[n] bij reeell executie vanden sege heern van Utrecht
 

Houten

nae des landcomendeurs versuicken altijt the doen en[de] dit voirsz[egde] lant sall ick Jan voirsz[egd] be
houwen als een goet pachter sculdich is the doen noch aen nijemants anders verbrenge off ver
pachten buijte[n] consent des lantcomendeurs mijt voirwairden wairt sauck dat ick Jan voirsz
end[e] toeseggen dat wij tot desen dage toe dair om gehadt mochten hebbe[n] soe versz[egd]
deesz[e] pacht niet en betailden oft voldede en[de] alle voirsz[egde] puncten en[de] ontuuwen[?] niet aen halde als voirsz[egd]
soo verre die landtcomendeur dat weder aen hem neeme[n] wull en anders niet en[de] soe mach die
lantcomendeur off sijn nacomelinghe landtcomendeurs inder tijt dit voirsz[egde] lant en[de] pacht vrij
weeder aen hem neeme en sijne vrijen wille dair mede doen tot sijns oirders behoeff onbenoemdt
van mij Jan voirsch[reve] en[de] nochtans den landtcommendeur voirsz[egd] the betalen alle sijne verschene en[de]
onbetaalde pachten alle dunck sonder arch en lijst baer hebe[n] bij enen en overgheweest als
dangsluijden Petie Herbertssz Goudtsmijt ende Anthonis die Man in kennisse der wairheijt soo ick
Jan voirsz[egd] sleve geen segellen hebb soo heb ick gebeden den eerbare Anthonis die Man voirsz[egd]
deesen beriff over mij the willen besegelen t welck ick Anthonis voirsz[egde] the beede en[de] amme Jan
voirsz[egd] tot meeder provheit mijn ghewoonlick hantscirft hier onder gescreve gegeve int jair ons
heeren duijsent vijffhondert vijffendartich op sinte peters avondts ad cahtteram

concordat ad suo originali de rerto___
teste me Lambertus de Elborch not[ari]o ssht

Colletionate est pns copia et concordat cid suo verso 
originali teste me hieronimo Joh[ann]is not[ari]o ssht
 

item dit voirsz[egde] lant es wederome inneghuijert bij Jan de Wit Janssz negne jaren aen een
geduerende ingaende petri ad chatedram annno LI t j[ai]rs om derthijen mudt weijdts
goet coopmans goet op een grootge nae de lbesten ende vijff enlesie oudtschilt ende drie
pont peper ende voorts op zelcke voorwaerden als den bezeglden huijerbrieff dat
breder vermelt in date de XVIIJ ^en februarij anno XV^ceenenvijftich

item Antoins die With heeft dit landt nu inne gehuert nege[n] jaer lanck ingaend[e]
Petri ad cathedram LXIJ siaers om XIIJ mud weijts vijff outscilt ende drie pont
peper nae vermelt der huerbr[ief] van date de XX^en august