Goy

Pachtbrieff van Wille[m] Paeu va[n] t selffde de data XV negen

ick Wilhem Pauw lijde ende kenne dat ick vanden soo weerdige here stond va[n]
Suijlen van Nijenvelt lantcom[m]enduer die balijen van Utrecht duijsches orders
gehuurd end in pacht heb dertigh merghen lants die ick hier the vooren
 

Goy

bebruijct heb thien jair lanck aen eijn duerend[e] ingaen[de] petri ad cathedra[m] naest
comen[de] dess iaers om vijffendertich mude weijts goet coepmans goet op eijen
cromstert naden besten ind rwijntich gouden pacht hoendren op dess voorsz[egde]
lantcom[m]endeurs sailre the leveren uijtgesceijden opd[e] walen opd[e] ouloge van
hu[n] schattinge dije bijden drijstaten uijtgesath wordt dair salme ^vrij in doen als
inde boven en beneden doet the betale die een helft van den weijt inde
all die hoen[deren] martini inden winter neestcomen[de] ind die andere helft
van die weijdt petri ad cathedram dair naistvolgende of bijnne[n] eijn maent
nae elcken termijn onberepen en[de] alsoo voirt jairlicx van[de] termijn tot
termeijn dese voirsz[egde] thijen jair lanck dueren[de] ende dit voirsz[egde] lant sall ick
Wilhem voirsz[egd] mijn erven ende naecomelingh bewairen als goede pachters
ende huijrluijde sculdich sijn t doen uijt voirwairden waerdt saeck dat ick
nijet en hulden noch en voldeden als voirsz[egd] staet soo soude ick off mijn erven
dair dese versumenisse geschieden vervallen weesen van deser huire ende van
allen rechte ende toeseggen dat ick tot desen dage soe dair aen gehadt mocht
hebben soo verdt die lantscomendeur voirsz[egd] dat weder aen hem nemen will ende
anders nijet end[e] soo mach die voir[genoemde] lants[com]mendeur off sijn naecomelingh
inder tijt dyt voirsz[egde] lant ende dest huijs van weder aen hem nemen ind sijne
wegen wille dair mede doen tot dess oirdens behoeff onbecroent van mij off
mijne erven ende onbetailt waen[] all duick sonder argelijst in kennisse
der wairheijt ind want ick Wilhem vorisz[egd] geen segellen heb soe heb ick ge
beden den eersame Jan over die Vecht dat hij desen brieff over mij bese
gelen wuld dat ick Jan voirsz[egd] geerne gedaen heb ende heb mijne segell
voir Wilhem voirsz[egd] aen desen brieff gehange segen int jair ons heeren
duijsent vijffhondert inde negen opte twijntichsten dach december
en[de] hebbe mijn segell om deesen brieff gehangen _og_ in t jair ons heeren duijsent
vierhondert Negenentnegentich op ten vier en twintichth dach in maerte

collatio nata pis copie cu[m] suo
orginalij teste noto infrasc[]o
Hieronimus Johs notario ssht[?]

 
concordat pus copia cum suo originali
caste me Lamberto infrascripto
Lambertus Francken de Elborch not[ari]s ssht[?]