Goij

Pachtbrieff va[n] Willem Paeu va[n] VIIJ m[or]ge la[n]ts de dat[o] XV^c een

alle een ghenen die deesen brief sullen sien of hoerel leesen doe ick verstaen Wille[m]
Paeu ernstensz dat ic voir mij en[de] mijne[n] erven en[de] naecomeling[en] gehuirt end[e]
in pacht genome[n] hebbe van den eerweerdigen en[de] vrome heere Steve[n] va[n] Suijle[n]
van Nijeveldt lantcomendeur der balijen van Utrecht duijtsches ordens acht
 

Goij

mergen lants also groet en[de] cleijn als die gelegen sijn int goij en[de] deischen landt
comendeur en[de] sijne coventie van Utrecht bij dode meijster Sijmons van Scoon
hoeven omgecome[n] sijn aen[de] bestorve thien jair lanck aen een duiren[de] ingaende
op sinte peters dach ad cathedra[m] naestcomen[de] des jairs om seven ende schilde[n]
vijffhond dertich stuiv[er]s movet Utrechts gelts worden ouden scilt gherekent in welcke
tijt der betalingen the betalen jairlicx die ene helfte vanden voirsc[reven] gelde op
Sinte Martijns dach inden wijnter naestcomen[de] ende die ander helfte op sinte
peters dach ad cathedram dair naest volgende off bijnnen veertijendage[n] nae
elcken termijn onbegreopie en[de] alsoe vant jairlicx van termijn tot termijn
dese oirsc[reven] thien jairen lanck dueren[de] voirt sall ick off mijn erffname
gebraeck mijnre dijr voirsz[egd] lant beware als goede huijrluijde sculdich sijn the
doen mit voirwairden woirt saick dat ick off mijn erv[en] en[de] naecomelingh
oirsc[reven] den vorig[en] pacht jairlicx opten oirsc[reven] themijn nijet ende betailden als
oirsc[reven] is soe soude ick off mijn erve en[de] naecomelinge datr dese versumenisse
bij geschieden vervallen weesen van deser huijrweer en[de] pachtinge en[de] van allen
rechte en[de] toesegge dat wij dair aen tot dijen dage toe gehadt mochte hebbe
en[de] soe mach die lantcomendeur inde tijt dit voirsc[reven] aen
hem neeme ende sijnen vrijen wille dair mede doen tottes orders behoeff
onbecroent van mij off mijne erve en[de] naecomelinge dair dese versuimenisse
bij geschieden ende nochtans the hebben alle sijn verscheene en onbetailde
pachte alle dinck sonder argelist in kennise der wairheit hebb ick
gebeden gebeden ende bidde den eersame Willem van Ass schout sinte
maeren intrecht desen brieff onver mij ende mijne erve ende nacomelinge mijt
sijnen segell the willen besegelen want ick op dee tijt selve geen segell
en hebbe dat ick Willem van Ass voirsch[reven] ther beden will van den voirsc[hreven]
Willen Paeu Eernstenssz geern hebbe gedaen ende mijne segell aen deesen brief
gehangen begonen int jair ons here duijsent vijffhondert en een opte
achthienden dach in februario

collationata prs copie cid suo
orginalij teste me noto infrasc[]o
Hieronimus Joh[nne]s notario ssht[?]

 
concordat pus copia cum suo originali
teste me Lamerto indo afco
Lambertus Francken de Elborch not[ari]s ssht[?]