Goij

Pachtbrieff va[n] Willem Paeu va[n] die selffde acht m[or]ge a[nn]^o XV^c XIJ

Ick verstaen Willem Paeu lijde end kenne dat ick vanden eerweerdigee ende vroome heren
Steven van Zuijlen van Nijevelt landtcomend[eu]^r der balijen van Utrecht
duijtsches ordens acht gehuurt end in pacht hebbe acht merge lants alsoo
 

Goij

groot end cleijn als die gelegen sijn int goij en[de] den selven lantcomendeur ind[e] sijne
covente van Utr[echt] bij dode meijster Sijmons van Scoonhove aengkome
sijn end bestorven die ick Willem voirsz[egd] laatste gebruijct heb thien jair lanc
aen eijn duren[de] ingaen[de] op sinte peters dach ad cathedra[m] lestleeden aless jairs
om seeven oude schilde vijfffdertich stuivers hollants gelts vair elcken ouden
schilt voirsz[egd] gerekent of ander goet paijme[n]t in gelijckes weerden inder
tij tder betalinge the betalen die eijn helft van den gelde op Sinte Martijns
dach inden wijnter naestcomen[de] ende die ander helft van den gelde petri ad
cathedram dair naest volgende off bijnnen veertijen dage[n] nae elcken termijn
onbegrepe[n] vrij gelt uijtgsceiden open walen ope onlach end mergengelt
dat bijden drie staten uitgesath werde dair salmen mij inne doe alsmen
boven end beneden doet ende alsoe daet jairlicx van termijn tot termijn
dese voirsz[egde] tijen jaerlanck duirende ende dit voorsz[egde] lant sall ick Willem voirsz[egd]
mijn erven end nacomelinge vewaire als goed pechters ende huirluijde
schudlich sijn the doen uijt virwairden wairt saick dat ick off mij erven
end naecomeling[en] dese voirsz[egde] pacht nijet en betailden ind die ander voirwairden
nijet en hijelden noch en voldeden als voirsz[egde] staet soo soude ick end mijn
erven dair dese verhuirenisse bij geschiede vermalle weesen van deeder huire
ende van allen rechten end toeseggen dat ick tot desen dage toe dair aen ge
had mocht heben soo werdt als die lantcomend[eu]^r dat weder aen hem nemen
will end andes nijet en soo mach mij heer die lantcomend[eu]^r voirsz[egd] off sijn
naecomeling[en] inde tijt dijt voirsz[egde] lant ende dese huijr vrij weder aen hem
neeme in sijn vrijen wille dair mede doen tot deshouders behoeff
onbecroont van mij end mijne erven ind nochtans the betale alle sijne ver
scheene end onbetailden pachte[n] all dinck sonder argelist in kennisse de
waerheit ende want ick Wilhem voirsz[egd] geen segell en heb soe heb ick gebeden
den eersamen Herman Quirinssz dat hij deesz[e] brueff over mij besegeld wuld
dat ick Herman voirsz[egd] ter beeden Willems voirsz[egd] geerne gedaen heb ende heb
mijne segell voir Willem voirsz[egd] aen deesen brieff gehange int jair ons heere
duijsent vijffhondert end twelff opte sestienden dach inde maij

collationata prs copie cid suo
orginalij teste me noto infrasc[]o
Hieronimus Joh[nne]s notario ssht[?]

 
concordat pus copia cum suo originali
teste me Lamerto infrafroipto
Lambertus Francken de Elborch not[ari]s ssht[?]