Goij

Pachtbrieff van Eerst Willemsz va[n] t selffde de data XV^c XXXIIJ

Ick Eerst Willemsz doe kendt en[de] kenlick allen luijden dat ick coir mij ontfang[en]
hebbe van den eerweerdige en[de] vrome heeren Wolter van Aemstell van Mijnde
lantcomendeur der balijen van Utrrecht Duijtsches Ordens in huir en[de] pacht
seven mergen lants soe groet en[de] cleijn als sij gelegen sijn in de prochu van t
Goij in de keij[zerlijk]^e ma[justei]^th gehericht dair bove naistgelant is de keij[zerlijk]^e ma[justei]^th ende be
neden die pastoor van t Goij streckende van die Zuermont in de oisterlaick ingaen
petrj ad cathedram anno vijftienhondert driendertich ses jair lanck aen een ge
duirende des jairs om sestenhalven ercle ouct scildt vrije gelts the gene[b] son
der eenijgerande affcortinge van nijewen off van olde wercken van dijcken end
damen van sluijssen van watergange van heerenbooden van huisgelden van
scattingen en[de] van alles op t voirsz[egde] lant come oft opgeset mach worden oick off
geviele[?] dat god voirsie dat die regente die keij[zerlijk]^e ma[justei]^th mit die die drie
staten eenijge penningne uuijtsetten ende beveelden die lantheer sijn handell dair
mede aff te moete[n] gelden het sij groet oft cleijn oick nijet uuijtgesondert
dan alleenlick wairet saicke dat dair worden open oirloge ope[n] waede[n] soe
datmen voorsz[egde] lant nijet gebruicken en mochte soe salmen mij Eerst voirsz[egd] dair
inne doen alsmen boven en[de] beneden doet the betalen die een helft van die
sestenhalven erclia[?] oudt schildt voirs[zegd] sinte Mertijns dach inden wijnter en[de]
die ander helft sinte peters dach ad cathedra[m] dair naistvolgende off bijnne[n]
veerthien dagen nae elcke termijn voirsz[egd] onbegrepe[n] bij real[en] executie van den
hogen hove van Utrecht nae des lantcomendeurs versuicken altijt the doen ende
dit voirs[zegde] lant zal ick Eerst voirsz[egd] bewaire als een goet pachter sculdich is
the doene noch aen nijemants anders verbrenge off verpachte buijte consente
van die lantscomendeur int voirwairden wairt saicke dat ick Eerst voirsz[egd]
dese pacht niet en betilden oft voldeden en[de] alle voirsz[egd] punte en articule
nijet en hielde als voirsz[egd] is soe sall ick Eerst voirsz[egd] vervallen weese van
deser huijr en[de] pacht en voirt van allen rechten en[de] toesegge die ick Eerst
voirsz[egd] tot desen dache thoe aent voirsz[egde] lant gehadt mocht hebben soo verre
 

Goij

als die lantcomendeur dat weder aen hem neeme will en[de] oick anders nijet
en[de] soe mach die lantcomendeur off sijn naecomelinge lantcomendeurs inde tijt
dit voirsz[egde] lant en[de] pacht vrij weder aen hem neme[n] en[de] sijne[n] vrijen wille
doir mede doen tot sijns ordens behoeff onbecroent van mij Eerst voirsz[egd] en[de]
nochtans die lantcomendeur voirs[zegd] the betalen alle sijne verschene[n] ende onbe
tailde pachte[n] alle cinck sonder argelist hier hebben aen en[de] over gewers
als doengsluijden Dirck Berntsz en[de] Lambert van der Elborch in kennisse de
wairheit soe ick Eerst voirsz[egd] selffs geen seggell en heb soe heb ick gebooden den
eerbaren Anthonis die Man om desen brieff over mij the besegelen t welck
ick Anthonis voirsz[egd] geern gedaen heb en[de] ick hebbe mijn segell dair bede van
Eerst voirsz[egd] aen deesen brieff gehangen int jair ons heeren XV^c XXXIIJ
den XX^en dach februarij
 

collationate pr[esen]s copia cum suo
originali teste me not[ari]s infrascr[i]pto
Jeronimus Joh[anne]s not[ari]s sszt[?]

 
concordat pr[esen]s copia cum suo originali

teste me Lamberto infracripto

Lambertus Francken de Elborch not[ari]s sszt[?]

Ick Eerst Willemsz Pauw heeft dijt voirsz[egde] p[er]ceell ingehuijert neegen jaer lanck gheduerende ingaen[de]
petrej ad cathedram anno negenendartich des tjairs om sess ^{en halve} oinclie oudtsz[chil]t all vrij gelt ende
voirt nae alle voirwaerden en[de] manieren als den besegelden brieff inhelden[de] is de date
dusent vijffhondert negenendartich den twaleffsten ffebruarij

Item dit voorsz[egde] lant es Eerst wederomme behuijert om d oude huijer te wete elff gulden
elff stuivers vrije gelts nege jaere ingeaende petrij ano XLIX de breden blijcken
vrijen besegelen huijerbrief in dato de VIJ^e septe[mber] ano XLIX

nu inne gehuert ten Lijsbet des voirs Eerst Willemssz achtergelate weche den tijt
van negen jaer lanck ingaende petri ad cathedram ano onder schreven jaerlicx om
elff gulden elff stuivers wesen[de] d oude pacht op alsulcke voerwaerden ende
conditien naer jaermogen der huercedulle den date XV^cLX den XVIJ^en martij