Aen den gheenen die desen brief zullen zien ofte horen lesen doen wij verstaen schout ende schepen der stadt Utrecht dat voor ons
quamen int gerechte Jan Thonis zoen vulder ende Geertruijt sijn huisvrouw ende _hamen met gesamender handt voer ons over Johan
Boll ijerste cameraer der stadt van Utrecht tot behouve der stadt voorscreven huer huijsinge ende hoffstede staende in
Tollesteehge opte oostzijde der graften daer suijtwert naestgelegen is Geertruijdt, Goort Ariaens zoons weduwe ende noortwart
Willem Goerts zoen Lijndreijer ende aster totter erf dat Geertruijt, Goort Ariaens zoons weduwe besit ende verteegen daer of ende
mede van allen brieven die daer af ruerende sijn tot behoufe vander stadt van Utrecht voerscreven ende sij geloofden dese huijsinge
penningen voer elcken rijnsch gulden gereecken jaerlicxe losrenthen staende ter lofs den penning sestien die Claes Jans zoen van Bet
Blauwverwer daer jaerlicx op spreeckende heeft ende noch op twee philippus gulden alse vijfendetwijntich stuvers holl[an]ts voer elcken philippus
gulden gereckent oock jaerlicxe losrenthen staende de loss den penning zestien die dan ten kerck daer jaerlicx op spreeckende heeft
ende ander alle voorplechten of te doen ende verclaerde die voorscreven comparanten mede bij hoeren eede dese voorscreven huijsinge
tot saesvelt ic schout Johan Taets van Amerongen, Gerrit Poth, Anthonis Foeijt, Cornelis van der Maeten, Johan van Veijs
Dircx zoen van Leijden, Ewout van der Horst meester Johan Philips zoen, _ Mathe Aernt van Honthorst, Nicolaes
Van Ostrum ende Sander van Bommell schepenen t Utrecht ende op dat dit vast ende stadich blijve soe hebben
wij schout ende schepenen voergenoemt deser stadt groote segell aen desen brief doen hangen t eenen oerconde gegeven
int jaer ons heren duijsent vijfhondert een ende t sestich den derthienden januarij