Allen den ghenen die desen brieff sellen sien off ho[r]en leesen doe wij be[r]staen Johan ph[ilip]s zoon, Johan Both ende Floris Ffoeijt van der eener sijde Adrijaen Jansz van Hensbeecke, Jan Dirck Hoenssoen en[de] Cornelis Witten van den andere zijde dat
wij dair onerende aan waren alse maecxdmannen en[de] hijlicx luijden inder vergaderinge des hijlicxs tusschen Peter Luijtgenssoen mit Jan zijnen soen die hij hadde bij Margriet sijn wijff optie een ende Mechtelt Jacobsdochte[r] van Leeuwe, Ja[n] Dirxsz wed[uwe]
van Hensbeeck mit Jacobgen hoer dochter die sij hade bij Jan hoe[re]n ma[n] voer sal opte andere zijden soe dat Jan Petersz en[de] Jacobgen voerscreven in wettelijcken huwelijcke aen malcanderen vergadert zijn bij hoe[re]n maegen en[de] vrunden van beijde zijde
des Peter Luijtgensz gheeft mit Jan soen voe[r]sz[egd] in hijlicx voirwairden dese naebescreven goeden in den eersten drie merghen lants eijgen goets gelegen bij houte[n] int Vuijlcoepe bij die zantvoer ende Jan Peterszoen voerscreve nu ter
tijt selvere bruijckt item noch drie mergen lants gelegen int vuijlcoep bezijden die knoest en[de] men van die he[re]n van den doem t Utrecht in erffpacht heeft ende Peter voerscreven nu ter tijt selver bruijckt en[de] in dese voersz[egde] landen sell Pet[er] Luijtgens
soen, Jan sijnen soen voer sal soe vestigen en[de] overgift doen dair sulcx behoert heeft daechs soe dat hij die drie mergen lants voerscreven erffpacht goets als die drie mergen eijgen lants theijnden sint peters dach ad Cathedram naestkomen[de] selver
aentasten gebruijcken en[de] zijnen vrijen wille dair mede sall moegen doen ende hier op soe sell Jan Petersz voersz[eg]d vertijen indient noch nijet geschiet en is tot behoeff Pieter Puijtgenssz sijns vaders voer[r]sz[egd] van alle goets en[de] erffenisse ruerende en[de] onroeren[de] alse
hem aengecome[n] ende bestorven is overmits doede Margriet sijne moeder voersz[egd] soe wanneer men hem des vermae[n]t off vermanen doet voert se brenget Jan Petersz aen Jacobgen sijn wijff voersz[egd] alle alsulcke goede ende erffenisse als he[m]
aengecome[n] ende bestroven zijn overmits doede Petronelle Jan Dirckssoens weduwe van Vijanen sijn oudermoeder saliger gedachten weerdich wesende omtrint vierhondert karolij gulden ende dair toe noch van t ghene dat Jan Petersz voirsz[egd]
selve overgespant gewonaen ende gewornen heeft weerdich weesende dar dalfhondert karolij gulden ende dair toe noch vijfendetseventich pont aen die stadt van Utrecht jairlix tot lijve Jan voersz[egd] ende sulcke heffinge alse Peter
zijnen vader voersz[egd] dair aen heeft sell hij ter stont quijt schelden soe dat Jan Petersz voirsz[egd] die voert aen selve[n] heffen ende bueren mach ende Mechtelt Jan Dirckssoens wed[uw]e voersz[egd] gheeft in rechter hijlicx voer wairden en[de] mede gave[n] mit
Jacobgen hoer dochter voersz[egd] dese naebescreven goeden inden eersten die helft van thien mergen lants gelgen opte lange wijede tusschen Oudewater ende der gande dair van die wederhelft toebehoert Adriaen Jansz Mechtelts
we[duwe]sz zoen ende Gherrit Claessz op dese tijt bruijckt die geheel thien mergen voor vijfendedertich karolij gulden ende twee hanen jairlicx toepacht geldendt op alsulcke dertich stuivers wessende des bisschops pacht alse dair van outs jaerlics uit
gaen welcken uitganck Gherit voe[r]sz[egd] boven den voersz[egde] pacht betalende is item noch die helft van vier me[r]gen lants eijgen goets gelegen bij Oudewater en[de] Jacob Ph[ilip]sz die moelenae[r] nu ter tijt bruijckt geldende achtendedertich schilde siaers
ende dair noch die helft van seven mergen lants eijgen goets soe groot ende cleijn alse die gelegen zijn in Papencoepe van Adrijaen Jansz voersz[egd] die wederhelft toe behoe[r]t en[de] Claes Jacobsz nu ter tijt bruijckt gelden[de] eenenve[er]tich
schilde siars ende dese voersz[egde] p[e]rcelen van landen die Mechtelt mit Jacobgen hoer dochter als voersz[egd] geeft gheestimmert ende ghereeckent op twaelfhondert karolij keijsers gulden ende in dese voiersz[egde] goeden sell Mechtelt, Jacobgen
hoer dochter voersz[eg]d soe vestigen en[de] overgift doen dat zij des vast ende seecker is soe wanneeer men hoer ofte hoe[re]n errfgename[n] des vermaent ofte hoe[re]n erffgenamen des vermaent off vermaenen doet ende haer op soe sal Jacobgen verthijen mit hand Jans Petersz ho[re]n mans
voerscreven en[de] wittelijcken mombers ter behoeff Mechtelt hoere moeder voersz[egd] van alle goets ende erffenisse roerende ende onroerende alse hoer aengecomen ende bestorven is overmits dode Jan Diriksz hoers vaders en van Diewer Dirck
Jansz wed[uw]e hoer oudemoeder soe wanneer men hoer des vermaent off vermaenen doet ende waert saecke dat Jacobgen, Mechtelt hoers moeders voersz[egd] doot nijet en beleefden en[de] zij levende wittelijcke blijckende geboerte aft[er] ho[er] liete ende
dat die selve geboerte Mechtelt hoers oudemoeders voirsz[egd] doot beleefden soe sell die beboert voersz[egd] met eenre hant in tasten en[de] mede erffenisse van hoer heffen en bueren gelijck alse Jacobgen hoer moede[r] gedaen soude hebben off zij Mechtelt
hoers moeders voorch[reve]n doot belieft hadde ende b Jan Petersz sell Jacobgen sijn wijff voersz[egd] the lijftocht maecken die drie mergen lants eijgen goets gelegen int Vuijlcoope voersz[egd] en[de] hoer dair soe inee vestigen dat zij des vast ende seecke[r] is
soe lange zij leeft ist dat zij langer leeft dan hij soe wanneer me[n] hem des vermaent off vermane doet mit voerwairden oick soe wanneer hoere erven van hem beijden the weeten Jan Peterssoen off Jacobgen sijn wijff voerscreven voerden
anderen off liivich worde sonder levende blijckende geboerte bij malcanderen ofte kijnts kijnderen achter the laeten soe sal een ijgelijck nijt die voiersz[egde] zijn aengebrachte goeden trouwelscat mitgeneane en[de] oeck allen anderen aenvallen soe hem
luijde bij hoere maegen en[de] vrunden aengecomen ende bestorven machten weesen ende sellen die goeden voersz[egd] zoe verre zijluijden die selve achter laeten off die weerde van dien indien dair enijge p[er]ceelen van goeden vercost wae[re]n mit
allen voerscreven aenvallen weder omme ten beijden zijden gaen comen ende erven dair van die gecome wae[re]n te weten die goeden die van Jan Petersz bij dode van hem op zijn naeste erfftenamen en die goeden van Jacobgen bij doede va[n] hue[re]
wederome[n] op hoe[re]n rechten erffgenaemn behoudelijcken nochtans altijt die lijftochte voersz[egd] indien Jacobgen langer leeft dan Jan Peterssz voersz[egd] in weerden te blijven welverstaende mede dat wat goeden Jan Petersz en Jacobgen voe[r]sz[egd] beijde bij
staenden huwelijck gewonnen ende gewornen hebben voven die voersz[egde] goeden en[de] aenvallen boven gespecificee[r]t sellen halff ende halff weesen en[de] gaen ende erven op hoe[re]n naesten erffgenaemen mits dair va[n] en[de] ande[re]n hoe[re]n goeden voe[r]szegd eest beta
lende en[de] off toeckende die hellft van den schulden die welcke zijluijden bij staenden en[de] aenvallen boven gespecifidie[r]t sellen halff ende halff weesen en[de] gaen ende erven op hoe[re]n naesten erffgenamen mits dair va[n] en[de] ande[re]n hoe[re]n ma[n] voe[r]sz[egd] soe sel zij voe[r] uijt
neemen alle hoer cleder cleijnoten ende andere juwelen tot hoe[re]n lijve behorende voert sijnt voerwairden wairt saecke dat hoere enijch van Jan Peterssz ofte Jacobgen sijn wijff voorschr[ev]en tot enijgertijt off liivich worde en[de] levende blijcken[de] geboe[r]t[e]
bij malcander after liete soe sell die langste levende van hem beijden mit dier geboerte ter techter deijlinge gaen van alle goets dat zij dan te samen hadden nae recht en[de] ghewoent der stadt van Utrecht ende selle die geboerte hoer
goeden diesen after laeten altijt t suctcede[r]en ende erven die een optie andere ende indien die geboerte all affliivich worde sonder wittelijcke geboerte kijnde[re]n ofte kijnts kijnd[re]n after te laeten soe selle die goeden die zij achte[r] laete altijt als
voersz[egde] gaen comen ende erven aen die sijde dairse van gecomen sijn off die weerde van dien indien die nijet achter gelaten mer enijge p[er]celen dair van vercost wae[re]n behoudelijckx Jacobgen voersz[egd] oeck hoer lijftocht als boven ende alle
dese voersch[reve] hijlicx voerwairden sijn te verstaen sonder enijgerhande argelist in kennisse der wairheijt hier off soe hebben wij Johan Ph[lip]szoen, Johan Both Ffloris Ffoert Jan Dirck Hoenssoen en[de] Cornelis Witte maerxsman en[de] hijlicxslu
den voersz[egde] elcx onsen segel hier benden uithangende aen desen brieff gedaen over ove selven en[de] ick Cornelis Witte voersz[egd] mode over Adrijaen Janssz van Hensbreeck mede hijlicsman voersz[egd] om zijne bede wille dat ick Adriaen Janss voersch[rev]en
oerkonde ende tuijge onder Corenlis Witten oversz[egd] mijns zwagers segell voe[r]sz[egd] ende hebbe hem gebeden desen brieff mede over mij the besegelen mit zijnen segell want ick op dese tijt selver geen segell en hebbe ende om der meerder vesticheit wille
soe hebben wij sesse maecxsmannen ende hijlicxsluijden voergenoemt elcx onsen naem hier onder gescreven mit ons selfs hant ende want wij Peter Luijtgenssoen optie een ende Mechtelt, Jacobsdochter van Leeuwen Jan Dirckssoen wed[uw]e
van Hensbeeck optie andere zijden dese getenwoerdige hijlicxvoerwairden die een den ande[re]n houden naegaen en[de] voldoen willen en[de] voldaen willen hebben voer ons en[de] voer onsen erffgenamen en[de] naecomelingen in alle manie[re]n gelijck voersch[rev]en
staet soe hebben wij elcx onsen naem mede hier onder gescreven mit ons selfss hant teenen oerkonde deser brieve sijn twee alleens spreeckende gegeven int jaer ons hee[re]n duijsent vijffhondert vierenveertich opten vijften dach in julio